Baptist Masihi Sangati Inkhawmpui kham lo takin an tiak ta
September 16-19, 2022 chhung khan Baptist Masihi Sangati Inkhawmpui chu Mizoram Baptist Kohhran Biak In, Lamthuamthum, Haulawngah neih a ni a. He Inkhawmpui chhim hian Mizoram hmun hrang hrang a Baptist Masihi Sangati member 405 zet an kal a ni.
Inkhawmpui thupui atan "Pathian hnaih" (Sam 73;28) tih hman a ni a, Speaker-ah Rev. Israel Lalremtluanga, Baptist Masihi Mission Director niin, Rev. Lalhmunsanga, Bialtu pastor, Haulawng Pastor Bial-in Bible Study a kaihruai a, Pathianni chawhnu-ah Baptistma chan Inkhawm neiin ringthar 6-in baptistma an chang a, Rev.Israel Lalremtluanga’n baptisma hi chantirin Lalpa zanriah a buatsaih nghal bawk.
Inkhawm apiangin Zaipawl, Group leh Mimal zai te awmin, a tlangpuiin inkhawm hi 600-800 vel an ni a, Inkhawmpui chhung zawnga thawhlawm tlingkhawm hi cheng 42,000/-chuang a n. Inkhawmpui dawltu Lamthuamthum Kohhran, Haulawng te inbuatsaihna a tha-in palai te an lawm hle.
Bru Mission hnuaia School Headmaster te pualin Account Training neih ani.
September
21 leh 22 (Nilaini) khan Mission Department hnuaia School Headmaster ten Hqrs.
Office, Serkawn-ah Budget siam dan leh Account Training an nei a. Tun tumah
hian Bru Mission hnuaia BCM Mission School Headmaster te – Putlunga Sih H/S,
Damparengpui H/S, Nghalimlui H/S, Zawlpui M/S, Ngengpuitlang M/S leh Hruitezawl
M/S atang te-in an tel a ni.
He Training-ah hian Kum 2023-2024 Budget siam dan tur kalphung te thlirin in zirtirna leh thil pawimawh in hrilh hriatna neih a ni a. Budget siam dan chungchang bakah Sum enkawl dan leh account vawn dan chungchang te, E-Finance hman dan te in kawhhmuhin, kalphung thlak ngai awm te inzirtirna hun neih nghal a ni bawk.
Tawipui North – II leh Kalvary, Cherhlunah Mission Programme hman a ni.
September 9-11, 2022 chhung khan Tawipui North – II Kohhran chuan Mission Convention & Crusade hmangin Speaker-ah -ah Rev. Lalremsiama Ralte, Mission Director an hmang. Zirtawp zan, Inrinni chawhnu, Inrinni zan leh Pathianni zing leh zanah te Crusade hun hman a ni a, Inrinni chhun leh Pathianni chawhnu-ah te Mission Pual-in hun hman a ni thung.
September 9-11, 2022 chhung vek khan BCM Kalvary, Chehlun chuan “Tunge ka tirh ang a, tunge ka tan kal ang” (Isai 6:8) tih thupuia hmangin Mission Convention an nei a. Pu T. Ngahksanga, Mission Promoter Speaker niin Zirtawp zan, Inrinni chawhnu, Inrinni zan, Pathianni zing leh zanah te Speaker kal tlang in thuchah ngaihthlak thin a ni a. Pathianni Chawhnu-ah Inpawlhona neiin Mission rawngbawlna chanchin report leh zawhna leh chhanna hun te hman a ni.
Guwahati Regional Committee Meeting neih a ni
September 14 leh 15,2022 chhung khan Baptist Church of Mizoram Mission Department, Guwahati Region chuan Conference Hall, Baptist House, Guwahati-ah Regional Committee Meeting an nei a.
Tun tum meeting hian Kum 2023-2024 atana rawngbawl dan tur hmachhawp hrang hrang Agenda 22 an rel a, rawngbawlna atana sum ruahman zat Rs 9,75,10,160.00(nuai zakua sawmsarih panga, singkhat, za leh sawmruk) niin, BCM Headquarters, Mission Board-ah thlen a ni ang.
Guwahati Region hnuaiah hian Mission Field 9 (pakua) - Arunachal West, Arunachal East, Arunachal Far East, Upper Assam, Assam, Tripura, Bhutan, Nepal leh Bangladesh te an awm a. Heng atang hian Field aiawh-in Field Director, Field Coordinator leh Headmaster te chu Regional Committee-ah hian member an ni. Tun tumah hian Committee member 21 an tel thei a ni.
Chakma Mission Committee meeting vawi 20-na neih a ni.
September 21, 2022 khan Chakma Mission Committee meeting vawi 20-na Chakma Baptist Church Biak in, Chakma Mission Compound, Kamalanagar-1, Chawngte C-ah neih a ni.
Agenda hi 22 a awm a, chung zingah chuan agenda 20-te tihhlawhtlin tura pass a ni a. Thurel zing ah-Kum 2023-a Chakma Baptist Church Assembly CBC Phairuangkai Biala neih tura BCM Chakma Mission-a Missionary aiawh tur ruat te, Chakma Mission North Team leh South Team member thlan thar a Director leh Speaker tur pek te, Chakma Mission-a thawktuten quarlerly-a tawngtaina hman thin kum khata vawi hnih hmang tura tih dang lam te, Kum 2023 – 2024 chhunga evangelism kalpui dan tur ruahmanna te, Thawktu pu B. Khawtinkhuma pension-a kal tur thlah chungchang te,Thawktute Furlough-a kal dilna leh zir leh dilna mission board-a thlen tur ruahmanna te, thawktu mission board-a dil belh tura thlen te a tel a. Kum 2023 – 2024 chhunga Chakma mission hnuaia budget neite an budget estimate te thlirpui in, Mission Board committee-a thlen turin a pawm bawk.
Chakma Mission-ah hian thawktu 111 an awm mek. Heng zinga 17 te hi a ram mi (native) an ni. Chakma Mission Committee-ah hian member 24 awm in, meeting-ah hian member pakhat dam lo tih loh mi 23 te an tel thei a ni.