KOHHRANTE HRIATTIRNA

 (Fellowship Inkaihruaina-a Bial BKHP Hruaitu Term chungchang tihdikna)

Fellowship Department Inkaihhruaina Dan 2021 Edition-ah BKHP inkaihhruaina Bung 5-na phek-49 naah Sl.no 3, sub.no (b) Bial BKHP hruaitua tan hun chhung tihah khan hetiang hian a inziak a, “Bial BKHP hruaitua tan hun chhung (term) chu kum hnih a ni ang a. Mi pakhatin a zawnin Office Bearers a nihna (post) ngai term hnih aia tam a chelh thei lo vang. Term khat a chawlh hnuah erawh chuan thlan leh theih a ni ang”. Hetiang hian Fellowship Department Committee meeting dated October 28, 2021-a inziak ang leh a dah ang chiah hian ziak/dah zawk tur a ni e. 

"Bial BKHP hruaitua tan hun chhung (Term) chu kum 2 a ni ang a, mi pakhatin a zawnin Office Bearers a nihna term 2 bak a chelh thei lovang. Term 1 a chawlh hnuah erawh chuan thlan leh theih a ni ang".

Sd/-
LALHMINGMAWII CHONGTHU
Secretary
Mizoram BKHP

Administrative Committee in Thawktu pathum a la

Administrative Committee, August 4, 2022 a thukhawm chuan Baptist Church of Mizoram hnuaia thawk turin hengte hi a la:-

1. Asst. Architech : C. Laldinchhungi D/o Upa Easter L Chinzah, Champhai Kahrawt

2. UDC (BHSS)    :  Zomuankima Pachuau S/o P. Zodingliana, Chanmari, Lunglei

3. General Service (Fixed) :Jessie Lalramneli D/o T. Tumtlinga (L), Chanmari, Lunglei

BWA Annual Gathering hmanga kal te dam takin an lo thleng leh ta

Mizoram Baptist Kohhran hruaitu te Rev. Dr. R. Zolawma, President,  Rev. R. Lalbiakliana, General Secretary leh a nupui Dr. Irene Colbert leh Pu Lalruatkima, Administrative Officer te chu Baptist World Alliance (BWA)  Annual Gathering, July 10-15 chhunga Birmingham, USA-a kal te chu ka hmasa Ningani, July 28 khan dam takin an lo thleng leh ta.

Worship Trainers Training neih a ni.

July 29, 2022 (Zirtawpni) khan Mizoram Baptist Kohhran, Worship Department buatsaihin Worship Trainers Training, BCM Hall, Serkawn-ah neih a ni a. He hunah hian Aizawl, Lunglei leh Lawngtlai Area-a Worship Trainers atana Department Committee-in a ruat te kal khawmin, Resource Person-ah Upa C. Hrangdula, BCM Statistician hman a ni.

Mission rawngbawlna chanchin thar

Sivasagar Baptist Association leh Madhya Assam Baptist Association te nen MOU ziak fel a ni.

July 29.2022 Khan, Baptist House Guwahaty ah Upper Assam Field-a Association pahnih, Sivasagar Baptist Association leh Madhya Assam Baptist Association te chu Assembly in a lo passed tawh angin Thawhhona Thuthlung (MOU) ziahpui an ni. 

Relief & Development Department Director leh Coordinator te Pithapuram, Andra Pradesh ah an kal.

Relief & Development Department Director Rev. L. Vanlalsanga leh Coordinator Pu Lalrinawma te chu July 23, 2022 khan Relief & Development department tirh-a General Nursing & Midwifery (GNM)  leh B.Sc Nursing zir te kan tirh thinna Christian Medical Centre Pithapuram leh GTR Colege of Nursing, Kakinada, Andra Pradesh te tlawhin an kal a.  

BKHP Bawngkawn Pastor Bial-in AICS tanpuina an pe:

July 31, 2022 (Pathianni) khan Bawngkawn Pastor Bial BKHP- chuan Bial BKHP Rorel bawhzuiin AICS-a Zirlai harsa zual tanpuina tur pawisa fai Rs. 19,300/- an hlan. 

BCO Awareness campaign hmun hnihah neih a ni.

July 30, 2022  Pathianni khan, Nauhnuchham enkawlna, Baptist Church Orphanage (BCO) pualin Rev R. Lalnunzira AGS Service leh Rev H. Vanlalruata Manager BCO leh BCO staff te chu BCM Ramthar leh BCM Rahsiveng ah an feh chhuak a.

BCM Ramthar-ah Rev. R. Lalnunzira, AGS  in thuchah a sawi a, BCO Staff 4 ten ṭawiawmin Nl F. Lalruatpuii Case Study incharge chuan BCO report a pe a, Nl R. Lalrosiami (Duati) chuan Zaia rawngbawlna a nei bawk. Sunday School banah BCO pual inpawlhona Kohhran hruaitute nen neih a ni, Kohhran pawhin theih ang anga thilpek rawngbawlna leh ṭawngṭaina nen ṭan lak an tum thu an sawi bawk. 

BCM Rahsiveng-ah BCO Manager Rev H. Vanlalruata leh BCO-a thawktu mi pali ten hun an hmang a, BCO Manager hian thuchah sawiin, BCO Report tlangpui a pe bawk a, hun ṭha taka hman a ni.

BCO ah hian tun dinhmunah nausen kum tling lo aṭanga kum 16 inkar, mi 16 enkawl mek an ni a. Tunhma ang a ‘Nau Hnuchham’ chauh enkawlna ni tawh lovin, tleirawl lek lek kum 16 chin pawh enkawl an ni tawh a. Naupang enkawl piah lamah hian sawrkar pawmpui thlapa Naupang fa atana lak theihna (Adoption agency) a ni ta bawk. Heng rawngbawlnate hi Thawktu mi 22 - in an vil mek a ni.

NEICC-WA Executive Committee Meeting, Shillong-a neih-ah MBKHP Secretary a tel.

July 29, 2022 (Zirtawpni) khan North East India Christian Council Women Assembly (NEICCWA) Executive Committee Meeting NEICC Platinum Jubilee Hall, Shillong ah neih a ni. Meeting ah hian Lalhmingmawii Chongthu, Secretary MBKHP chu Executive Secretary a nih angin a tel.

TKP Ṭhuampui Pastor Bial-in Joint Fellowship an nei.

July Ni 31, Pathianni khan Ṭhalai Kristian Pawl Ṭhuampui Pastor Bial te chuan a vawikhat nan Bial ṬKP Joint Fellowship BCM Biak In, Muanna ah neih a ni a, he hun ah hian Speaker hran nei lovin Pathianni Zing ah Senior Adviser Upa Lalremsiama Sailo hnen aṭangin thuchah ngaihthlak a ni.

KOHHRANTE HNENA HRIATTIRNA

(Fellowship Inkaihruaina-a Bial BMP Hruaitu Term chungchang tihdikna)

Fellowship Inkaihhruaina Bu phek 83-na. No. 7, Sub No. 3 (b) Bial BMP hruaitu a tan hun chhung tihah khan hetiang hian a inziak a. “Bial BMP hruaitu a tan hun chhung (term) chu kum hnih (2) a ni ang a. Mi pakhatin a zawnin Office Bearer a nihna (post) ngai term hnih (2) aia tam a chelh thei loving. Term khat a chawlh hnuah erawh chuan thlan leh theih a ni ang”. Tih a inziak a. Hetiang hian, Fellowship Committee Meeting 28^th October 2021 a inziak ang leh a dah ang chiah hian ziak / dah zawk tur a ni e.

APBY Conference 2024 neihna tur ruahmanna nei in APBY hruaitu ten Kuala Lampur, Malysia ah an inhmukhawm.

Asia Pacific Baptist Youth hruaitu te chu August thla chawhma chhung hian nakum 2024-a Asia Pacific Baptist Youth Conference neihna tur ram Malaysia-ah inhmukhawmin, Conference neihna tur hmunhma te ngaihtuaha rel fel turin hun an hmang mek a. He meetinga tel tur hian APBY Vice President Rbt Jacob Vanlaltana Khiangte pawhin August 2, 2022 khan ni 10 cham turin Malaysia panin Mizoram a chhuahsan a. Ani bakah hian Australia atangin APBY President Rev. Steve Dixon leh Indonesia atangin APBF Mission Director Rev. Ardi Wiriadinata te an kal dawn bawk a ni.

Aizawl Area TKP Coordination Committee hmalakna-in TKP Day Pualin thisen unit 97 an pe.

July 30, 2022 (Inrinni) khan TKP Day vawi 71-na pualinAizawl Area TKP Coordination Committee hmalaknain TKP Aizawl East Pastor Bial ten  BCM Chanmari Kohhran Hall-ah Civil Hospital, Aizawl Blood Bank tan thisen unit 97 an pe.

TKP Day vawi 71-na hlung takin hman a ni:

Thalai Kristian Pawl (TKP) din champha vawi 71-na chu July 30, 2022 khan Rampuma TKP Unit hrang hrangin hlung takin an hmang. Kumin TKP Day thupui chu “Intihsiakna tha chu bei rawh” (1 Timothea 6:12) tih a ni.