Rev Dr. R. Lalthanmawia, AGS Mission in Mission Field pathum a tlawh.

Rev. Dr. R. Lalthanmawia, Associate General Secretary Mission chu BCM Assembly leh Mission Board thu chhuak bawhzuiin, July 26-28, 2022 chhung khan Assam, West Bengal leh Bhutan lama rawngbawlna hmun te leh thawktute tlawhin a kal a,  Rev K. Lalnunsanga, Regional Director, Guwahati-in a țawiawm bawk.

BCM Bookroom a thawk tur Seller(Casual) pahnih lak thar an ni.

Baptist Literature Service, Bookroom-a Seller (Casual) hna thawk turin heng a hnuaia hming tarlante hi lak an ni:-

Rev. Lawmzuala ropui taka thlah liam a ni

Mizoram Baptist Kohhran, Pastoral Ministry-a Pension thlenga thawk, Rev. Lawmzuala, chu July 28, 2022 zing dar 2:00 khan, Civil Hospital, Lunglei-ah kum 86 mi niin Covid-Phneumonia vangin Chatuan ram min pan san ta. Hemi ni chhun dar 12:00-ah BCM Biak In, Lunglawn E-ah Vuina Inkhawm neihpui a nih hnu-in Lunglawn Thlanmual-ah ropui taka thlahliam a ni.

TKP Day vawi 71-na hman a ni dawn:

July 30, 2022 hi Thalai Kristian Pawl (TKP) din champha vawi 71-na a ni a. Kumin TKP Day thupui chu “Intihsiakna tha chu bei rawh” (1 Timothea 6:12) tih a ni ang.  

Serampore College (Univerity) Evaluation Team ten AICS an tlawh

Vawiin, July 28 2022 (Ningani) khan Senate of Serampore, College (University) atanga AICS a M.Th History Dept. zirna enfiah tura lo kal, Evaluation Team te chuan AICS-ah Zirtirtu leh zirlaite kawmin hun an hmang.

Beirual Thuzir Bu chhut zawh fel a ni ta:

Kum danga kan tih thin dan pangngaiin kumin September thla-ah beirual thuzir neih a ni leh dawn a. Kumin Beirual-ah hian “Krista Rilru” tih Rev. David Lalmalsawma Sailo ziak zir a ni ang. Zirlaibu hi chhut zawh fel niin, July 27, 2022 (Nilaini) zing dar 10:00 khan AGS Service Rev. R. Lalnunzira'n  a tlangzarh. 

Jubilee Bible School-in Semester Exam an nei mek

Vawiin, July 28, 2022 (Ningani) atang khan Jubilee Bible School, Serkawn chuan 2022 Session atan First Semester Exam an nei tan a, karleh Ningani, August 4-ah an zo ang. Tun tumah ian zirlai 21-in exam an bei a ni.

KNP Leaders’ Trainers Meet neih a ni.

Tunkar Ningani, July 28, 2022 khan Fellowship Department buatsaihin KNP Hruaitute Training pe tura ruat, KNP Trainers te inhmuhkhawmna, Headquarters Office, Committee Room No.-1 ah neih a ni a. He hunah hian Aizawl, Lunglei leh Lawngtlai Area-a KNP Trainers atana Fellowship Department-in a ruat te kal khawmin, Resource Personah Rbt. B. Singpari leh Upa K. Lalnuntluanga ten Training an pe a ni.

Mission rawngbawlna

#Serkawn Kohhran-in Mission Cunsultation an nei.

July 23 & 24 (Inrinni leh Pathianni) hmang khan Serkawn Kohhran chuan Upa Laltlankima Hnamler, Resource Person & Speaker-a hmangin Mission Consultation an nei a. Inrinni chawhma-ah Consultion hi tannin, nilengin Pathian thu atanga Chanchin Tha hril pawimawhna leh Chanchin Tha hril dan tur chungchang inzirtirna neiin hun hman a ni. 

AICS-ah Junior Music School hawn a ni.

July 25, 2022 (4.30 PM ) khan AICS-ah JUNIOR MUSIC SCHOOL chu AICS  Principal, Rev. Dr. C.Vanlaldika’n a hawng. Tun dinhmunah chuan he Institution hi a a nawlpui tana buatsaih a ni rih lo va, AICS Music School Develop-na (extension) atana tih niin, tih hmasawn zel tura ruahman a ni. 

Aizawl-ah Chakma Baptist Fellowship din fel a ni.

July 24, 2022 (pathianni) khan FW Savidge Hall, Baptist House Aizawl-ah Chakma Baptist Fellowship dinin Inkhawm hmasa ber neih a ni a, He Fellowship thar dinni-ah hian member 65 inkhawmin Rev. R. Lalrintluanga, Executive Secretyary-in Fellowship member tharte lawmluhna neiin thuchah a sawi bawk.

Lawngtlai Area TKP Coordination Committee-in ṬKP Ṭawipui Pastor Bial an tlawh.

July 24, 2022 (Pathianni) chawhnu khan Lawngtlai Area TKP Coordination Committee chuan Tawipui Pastor Bial tlawhin BCM Biak in Ṭawipui 'S' ah Inkhawm programme an siam a. LAṬKP aṭangin mi 8 leh soloist nen mi 9 kalin, Tawipui Bial TKP hruaitute leh  Bial chhung Unit hrang hrang atangin TKP member 100 chuang zet an kal khawm a ni.

Aizawl Area TKP Coordination Committee Meeting neih a ni.

Ni 22/7/2022 (Zirtawpni) zan khan ṬKP Coordination Committee Meeting Savidge Hall, ES Office, Khatla Aizawlah  Rev. R. Lalrintluanga, Executive Secretary leh Rev. JC. Vanlalluaia, Chairman, Aizawl Area Development Committee,  hoin neih a ni a, thu pawimawh tak tak an rel.

Nakum (2023)-a MṬKP Rorelna tur B.C.M Tuipui 'D' tlawhin MṬKP hruaitute an kal

July ni 23, Inrinni khan MṬKP hruaitu te chuan MṬKP ROREL, 2023 dawltu tur BCM Tuipui 'D' (Leite Pastor Bial) tlawhin hun an hmang a. MṬKP hruaitu te hi Office Bearers, Senior Adviser leh Executive Committee member te atang in an vaiin mi 19 an ni.

ṬKP Siaha West Pastor Bial leh Aizawl Central Pastor Bial ten Blood Donation Camp an buatsaih

July 23, 2022 (Inrinni) khan Ṭhalai Kristian Pawl (ṬKP) Siaha West Pastor bial chuan Lawngtlai Area Ṭhalai Kristian Pawl Coordination Committee-in Lawngtlai Area in Blood Donation Calendar a siam bawhzuiin District Blood Bank Siaha-ah thisen an pe. Thisen petute hi mipa 15 leh hmeichhia 3, an vaiin mi 18 an ni.

Aizawl Area ṬKP Coordination Committee hruaituten ṬKP Mamit Pastor Bial an tlawh.

Ni 24 July, 2022 (Pathianni) khan Aizawl Area ṬKP Coordination Committee hruaituten ṬKP Mamit Pastor Bial tlawhin BCM Biak In, Emmanuel ah hun an hmang.

Lawngtlai East Pastor Bial-ah Kohhran Upa leh Rawngbawltute pualin Orientation Programme neih a ni.

July 23, 2022 (Inrinni) khan Lawngtlai East Pastor Bial chuan an bial chhunga Kohhran Upa leh Rawngbawltute pualin Orientation Programme an buatsaih a, tualchhung kohhran hrang hranga Upa leh Rawngbawltute an tel ṭha hle.

Senate of Serampore (University) Result chhuak ah AICS atanga MTh, MDiv leh BD Final Exam te an passed vek.

July ni 20, nilaini khan Senate of Serampore College (University) chuan University Examination 2022 Result a tichhuak a, AICS atanga Master of Theology (MTH) New Testament Fianal exam beitu mi 3 atangin mi pahnih A- (70%) leh mi pakhat B+ (65%) ah an passed a, BD Final exam beitu 25 atangin mi panga A- (70%), mi 17 B+ (65%) leh mi 3 B- (60%) ah te an passed.