Thursday, June 16, 2022

June 19 hi Relief Sunday a ni a, Tualchhung Kohhran tinah hman a ni ang.

Tunkar Pathianni June 19, 2022 hi Mizoram Baptist Kohhran Ni pawimawh “Relief Sunday” a ni a. He Ni hi Mizoram Baptist, Tualchhung Kohhran tinah hman a ni ang.  Relief Sunday-ah hian Pathianni zing inkhawmah Headquarters leh Tualchung Relief rawngbawlna chanchin te leh thupui thlan sa hmanga thuchah te sawiin ngaihthlak thin a ni.

R&D in Vairengte-ah Peace Building Workshop leh Skill Development Worshop an buatsaih

June 15, 2022 (nilaini) khan Relief & Development Department hnuaia Initiative For Peace and Economic Development Project chuan Kolasib District a an Target Village pakhat Vairengte veng pathuma  kohhran hruaitu leh thalai te tan Peace Building Workshop leh Skill Development Worshop, Vairengte Town Church ah  an buatsaih.

TKP Mission Vengthlang Pastor Bial Kum Chanve Intawh Khawmna neih a ni.

Kum Chanve Intawh Khawm hi June 11-12, Inrinni leh Pathianni khan BCM Biak In, New Secretariat ah neih a ni a, Speaker atan MṬKP President Upa R. Lalrochama hman a ni a, ani bakah hian MṬKP lam aṭangin Tv H. Lalruatkima, Finance Secretary, Pu Lalrammuana Sailo, Executive Committee Member leh Pu PC Lalbiakdika, Executive Committee Member te an tel bawk.

Mission rawngbawlna Chanchin

#BCM Salem, Lawngtlai Mission Committee hmalaknain hnamdang te pualin Crusade neih a ni.

Mizoram Baptist Kohhran, Salem, Lawngtlai Mission Committee hmalaknain June 9-11, 2022 chhung khan BCM Salem Biak In, Lawngtlai-ah hnamdang te pualin Crusade neih a ni a. He Crusade-ah hian Baptist Masihi Mission Evangelist te - Pu Ramtea leh Pu Beijnath te chu Speaker-ah hman an ni. 

Headquarters Office-a thawktuten Chhipphir Kohhran an tlawh.

Headquarters Office, Serkawna thawktute chu June 12, 2022 (Pathianni) khan lehlangin BCM Chhipphir an tlawh a, BCM Headquarters Office a thawktute mi 36 kalin General Secretary Rev. R. Lalbiakliana’n a ho a ni. 



KNP Muallianpui Pastor Bial Inkhawmpui Vawi-6 na hman a ni.

June 10 – 12, (Zirtawp zan atnga Pathianni zan) khan KNP Muallianpui Pastor Bial Inkhawmpui Vawi-6 na  chu BCM Muallianpui ‘N’-ah neih a ni a. Speaker-ah KNP Promoter Nl. K. Lalramthianghlimi hman a ni.

Worship Trainer atan mi 17 ruat thar an ni.

June 10, (Zirtawpni) khan Worship Department Committee neih a ni a. Meeting hian kum hnih chhung (2022-2024) atan Worship Trainer tur, Aizawl Area atangin mi 5, Lawngtlai Area atangin mi 4 leh Headquarters (Lunglei Area atangin mi 8, an vaiin mi 17 hetiang hian a ruat..


Phawngpui West Pastor Bial-ah Kohhran Hruaitute pual Seminar neih a ni.

June 11, 2022 (Inrinni) khan BCM Biak In, Lungtian-ah Phawngpui West Pastor Bial huapin   “5th BCM Planning Commission & Constitution” zirhona (Seminar) an nei.


Asia Pacific Baptist Youth 'Biakhmuh Theihna Kaltlanga Conference' neih a ni.

June ni 10-11 chhung khan Asia Pacific Baptist Youth (APBY) buatsaih, Biakhmuhtheihna Kaltlanga intawhkhawmna (Virtual Conference) neih a ni a. Thupui atan "Act your faith, Champion your faith, Testify your faith" alam tawi in ACT tih hman a ni a, Asia Pacific ram hranga Baptist thalaite telin, TKP member mi 19 an inziaklut a ni.

TKP Diltlang Bial Meet-ah “Thiam Thil Haichhuah Kawnga Hmasawnna” inzirtirna neih a ni.

Mizoram Baptist Kohhran, Relief & Development Department-a thwktu ten TKP Diltlang Pastor Bial Meet-ah 'Rilru Hrisel leh Thiamthil Haichhuah Kawnga Hmasawnna' Chungchanga inzirtirna an hmang.


Baptist Mipa Pawl (BMP) din chhan Campaign hawnna neih a ni.

Mizoram BMP Rorelna-in Pastor bial hrang hrangah BMP dinchhan campaign neih ni se ti-a a lo rel tawh bawhzuiin, Aizawl Area chhunga hma lak tanna turin  June 11, 2022 (Chawhhnu dar 01:00 khan Baptist Multipurpose Centre, Falkland, Aizawlah BCM din chhan Campaign hawnna hman a ni a.


Relief and Devlopment Department Committee Meeting neih a ni.

June 9, 2022 (Ningani) khan Relief & Development Department Committee Meeting neih a ni a. Meeting hi President Rev. R. Zolawma’n kaihruaiin Director, Rev. L. Vanlalsanga’n report tlangpui a pe. 

Sunday, June 12, 2022

Staff Nurse, Lab Assistan, GDA Hna ruak

 

ADVERTISEMENT

 Baptist Church of Mizoram, Medical & Health Department, hnuaia thawk turin Staff Nurse (Contract) Post 7, Staff Nurse (Fixed Pay) Post 6, Laboratory Assistant Post – 1, General Duty Assistant (GDA) Post 6 a ruak a. Ngaihven duh leh hrechiang duh tan a hnuaia  link tarlan-ah hian en theih a ni e. https://mizobaptist.blogspot.com/p/medical-health-department-staff-nurse.html