Tunhnaia Mizoram University-in Degree Course result 2022 a tih chhuah ah Higher and Technical Institute Mizoram (HATIM) in result an nei tha hle a, Topper pahnih an nei a. B.A. (English Subject)-ah Ruth C. Lalremsangi, Pu C. Lalsiammawia fanu, College veng, Lawngtlai leh BCA ah Lalzarliana Kawlni, Pu Vanlalruata Kawlni fapa, Serkawn, Lunglei te an ni. An ni bak ah hian Stream hrang hrang leh subject hrang hrang ah Top Ten-a lang mi 9 an nei bawk.
June 21, 2022 Thawhlehni khan Sap Upa leh Pu Buanga Hall, Serkawn-ah Pastoral Committee Meeting neih a ni a, Meeting hi Rev. Dr. R. Zolawma, BCm President-in a kaihruai a, General Secretary Rev. R. Lalbiakliana’n report tlangpui a pe.
June 26, 2022 hi Mizoram baptist
Kohhran, Christian Education Department chuan Sunday School kum chanve Exam hun
atan a ruat a. Pathianni Inkhawm banah Exam hi neih a ni ang. Exam Zawhnate hi
Headquarters atanga siam lovin Pastor bialin a buatsaih a ni a, a endik pawh
Pastor bial remruatnain neih tur a ni ang. Christian Education Department chuan
zirlaite thahnem-ngai leh dik taka exam theuh turin a ngen a ni.
January – June
2022 chhungin Mission Field hrang hrangah ring thar 881 awmin, Kohhran thar 8
leh Fellowship thar 3 a din belh.
June 22, 2022 (Nilaini) khan Mission Board Meeting, Sap Upa leh Pu Buanga Hall, Serkawnah neih a ni a. Meeting hi Rev. Dr. R. Zolawma, President-in kaihruaiin, Rev. Dr. R. Lalthanmawia, AGS – Mission in report tlangpui a pe.
June 17-19, 2022 (Zirtawpni – Pathianni) khan Siaha West Pastor Bial chuan . Sam 34:3 “Lalpa chu mi fakpui ula” tih thupuia hmangin Fakna inkhawmpui, BCM Biak In, Town Church Siaha-ah an nei a, Rev. Dr H. Lalthlamuana, Executive Secretary, Lawngtlai Area chu speaker-ah hman a ni.
June 17, 2022 (Zirtawpni) chawhnu dar 12:00 khan Aizawl Area Development Working Committee chuan Baptist House, Upper Khatla-ah meeting an nei a. Meeting hi Chairman Rev. JC Vanlalluaia’n a kaihruai a, Secretary Rev. R. Lalrintluanga, Executive Secretary, Aizawl Area ni bawk chuan report a pe bawk.
.jpeg)
June 18-19, 2022 chhung khan MBKHP Hruaitu ten Bial ding thar BKHP Ţhuampui Pastor Bial an tlawh a, MBKHP hruaitute - Treasurer Rbt.F.Zanguri leh Exe Comt Member te Pi V.Zothanbuangi leh Rbt.Ngurmawii Sailo te an kal.
.jpeg)
TKP Aizawl East Pastor Bial chuan
Bial TKP rorel bawhzuiin June ni 19, 2022 (Pathianni) chawhnu khan Operation
Kingdom Ministry (OKM Home) Phunchawng, Aizawl tanpuina Rs 10,000/- an hlan.
.jpeg)
TKP Aizawl East Pastor Bial te chuan June ni 17, 2022 (Zirtawpni) zan khan Bial rorel in a pass angin Bial huap Tawngtai Tlaivar Unit tinah an nei.
.jpeg)
Christian Hospital Serkawn-a thawk lai leh BCM Sponsored a Specialist zir zawma kal Dr. LH Lallawmsanga, MS (Gen. Surgery), CMC Vellore leh Dr. Laldinsangi Hnamte MD (Pathology), University of College of Medical Sciences, New Delhi te chuan an zirna te zo in June 16 atang khan Christian Hospital, Serkawn-ah Specialist hna an zawm ve leh ta a.
June 18, 2022 (Inrini) khan 'Mizoram BMP Inkhawmpui 2023 Hnahthial' Organising Committee leh Sub-Committee 13 a Chairman leh Secretary te Joint Meeting Hnahthial Bazar Pastor Bial inah neih a ni a, mi 29 zet he joint meeting ah hian an kal.
.jpeg)
June 18,2022 Inrinni khan Presbyterian Chanmari Aizawl Biakin Hall- ah TLM Youth Wing Seminar neih a ni a. Executive Committee chin kakhawmin, TLM Executive Secretary leh Youth Wing Adviser hovin mi 14 an kal.
.jpeg)