Tunkar ningani, July ni 7 chawhnu dar 2 khan Pastoral Ministry Department hmalakna in Lunglei khawpui chhunga ‘Ministry’ kalpui thin pawl hrang hranga hruaitu te leh Kohhran hruaitu te inkawmhona, Committee Meeting Room No. 1, Headquarters Office, Serkawn-ah neih a ni.
Mizoram Baptist Kohhran hruaitu te Rev. Dr. R. Zolawma, President, Rev. R. Lalbiakliana, General Secretary leh a nupui Dr. Irene Colbert leh Pu Lalruatkima, Administrative Officer te chu Baptist World Alliance (BWA) Annual Gathering, July 9-15 chhunga Birmingham, USA-a tel turin tunkar Thawhtanni, July 4, 2022 khan Headquarters Serkawn chhuahsanin an kal.
July 4 atanga July 15 chhung hian Baptist Literature Service chuan, BCM Boorkroom hrang hrang – Aizawl, Lunglei, Lawngtlai, Serchhip, Tlabung leh Hnahthial-ah te Reduction Sale an nei mek a. Hemi hun chhung hian Lehkhabu tha tak tak, 80% thlenga tlawma lei tur awm in, hun dang aia man tlawm zawk in lehkhabu engemawzat zawrh chhuah a ni.
Revival & Evangelism Committee-in Recognise Evangelistic Team te inkaihhruaina a siam angin, July 1, 2022 (Zirtawpni) dar 11:00 khan Evangelistic Team a pawm thar Team pali-a Speaker te - HP Lalchawisanga, Chanchintha Palai Team; Rbt. Lalchhuanawma Sailo, Shalome Ministry; Speaker Lalremruata Sailo, Kalvary Healing Ministry; Muansangpuia Chawngthu, Ministry of Truth te chu Orientation neihpui an ni.
July 5, 2022 (Thawhlehni) khan Baptist Today leh Kohhran Beng enkawlna-a mawhphurtu ber-Editorial Board Meeting, BCM Committee Room-No.1 ah neih a ni a. Meeting hi Rev. R. Lalnunzira, AGS – Service-in kairhuaiin Rev. Dr. F. Lalsangliana, Editorial Board Secretary-in report a pe bawk.
Report kan hriat theih chinah heng a hnuaia BCM Recognised Team te hian rawngbawlna hetiang hi a ni:-
# Horeb Ministry chuan Speaker Upa Lalhriatpuia hovin BCM Chawngtui South ah Camp Vawi 3-na Vantlang Camp neih chhunzawm lehin Campers 62 an lut tunkar ningani khan hlim takin an chhuak.
#Tripura Field hmun hnihah Work Camp neih a ni.
New Serchhip Pastor Bial Mission Committee hmalakna-in June 27 – July 1 chhung khan member 11 ten Work camp-in an feh chhuak a. Raipassa khuaah Missionary Quarters sak leh School Building siamthat ngai te siam that hna an zu thawk a ni.
Tunkar Thawhlehni July 5, 2022 khan Mizoram Thalai Kristian Pawl (MTKP) Office Bearers Meeting, Serkanw-a neih chuan MTKP hruaitute Lunglei khawpui leh a chhevel unit hrang hranga TKP te TKP Day hmanpui dan tur ruahmanna a siam.
July 2, 2022
(Inrinni) khan Christian Education Department, Headquarters-in ruahmanna a siam
angin, S. Vanlaiphai Pastor Bial huap, Sunday School Meet, BCM Biak In,
Sikulveng-ah neih a ni a. Resource Person atan Upa K. Lalnuntluanga, Serkawn kalin,
Pu R. Lalruatpuia’n a tawiawm bawk.
.jpeg)
Kristian Naupang Pawl, North Vanlaiphai Pastor Bial chuan a vawikhatna atan July 2, 2022 Inrinni nileng khan BCM Biak in, N. Vanlaiphai ah KNP Promoter K. Lalramthianghlimi Speaker-a hmangin Inkhawmpui an nei a. Inkhawmpui ah hian Speaker bak ah Nl. Rebek Vanlalngheti, Speaker, Christian Prayer Ministry, Nl. T. Lalțhakimi leh Nl. B. Lalbiakzuali te thusawi leh zai a rawngbawlna te neiin an tel bawk.
2nd July, 2022(Inrini)-a BCM Choir Selection Board thukhawm chuan Audition Test atang leh tehna hrang hrang hmanga a thlitfim hnuin, BCM Choir 2022-2025 member thar atan heng a hnuaia hming tarlante hi duh takin a thlang.
July 3, 2022 kha Mizoram Baptist Kohhran ni pawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kuminah pawh he ni pual hian Mizoram Baptist Kohhran chuan Programme siamin Pathianni zing Inkhawm leh Pathianni zan Inkhawmah te Chanchin Tha hril tulna leh pawimawh na, hemi atana infuih tharna te neiin, BCM Mission rawngbawlna report te ngaihthlak a ni. Tualchhung Kohhran hrang hrangah hlawk takin hun hman a ni.
July 1, 2022 (Zirtawpni) chawhnu dar 1:00 khan Higher & Techincal Institute, Mizoram (HATIM) chuan, College Campus Kawmzawl-a HATIM Auditorium-ah Mizoram University Exam 2022 result chhuaka an College atanga Zirlai tithate chawimawina, Felicitation Programme an hmang.
