Mizoram Baptist Kohhran, Medical & Health Department Committee date 15th July, 2022-a B. Sanghnuna Conference Hall, Christian Hospital Serkawn-a thukhawm chuan Staff Nurse (Contract) Post 7, Staff Nurse (Fixed Pay) Post 6, Laboratory Assistant (Fixed Pay) Post 1 leh General Duty Assistant (Fixed Pay) Post 6 atan heng a hnuaia hming tarlante hi a la.
Vawiin July 15, Zirtawpni khan Mizoram Baptist Kohhran Medical & Health Department Meeting neih a ni a, Meeting ah hian School of Nursing, Christian Hospital Serkawn-a Nurse (General Nursing & Midwifery) Training tur mi 20 thlan an ni. Nurse Training tur hi Written Test paltlang mi 40 atanga thlan an ni. Chung te chu
July 12, 2022 Thawhlehni khan BCM hruaitute leh 2nd Battalion MAP, Luangmual hotu te chuan Home Ministry buatsaih a Mizoram Police Southern Range hnuaia Rehabilitation leh Detoxification programme kalpui dan tur BCM Headquarters Office-ah an sawi ho.
Jhakhand Field-ah Biakin thar hawngin ring thar 33 an nei.
July 13, 2022 ( Nilaini) khan Dopahar, Jharkhand field-ah Biak In thar, anmahni kut kawih ngei a an sak chu Field Director Rev. K. Lalhnehliana'n a hawng. Biak In thar hawnna Inkhawm-ah hian Kohhran member 48 an awm a, Biak in hawnna inkhawma tel hi 300 vel zet an ni a, hemi ni hian Nausen 14 Pathian hnenah hlan an ni a, Ringthar 33 laiin baptisma an chang a. Biak In thar hawn ni hian member 80 chuang an lo awm ve ta a ni.
July 9, 2022 (Inrinni) khan Christian Education Department ruahmanna angin Chanmari Pastor Bial, Lunglei leh Republic Vengthlang Bial, Aizawl-ah te Sunday School Meet buatsaih a ni a. He hunah hian Tleirawl te tana hriat tur pawimawh tak tak zirhona neih a ni a, tunlai khawvel-in a buaipui Zu leh ruihhlo leh thil tha lo hrang hrang, hmachhawn dan tur leh hneh theih dan te zirho a ni.
.jpeg)
Academy of Integrated Christian Studies (AICS) chuan July ni 9 leh ni 10 chhung khan Campus-ah Retreat an nei a. Speaker-ah zirtirtu te zing atangin Rev. B. Zirsangliana, Rev. Dr. Elungkiebe Zeliang leh Rev. Dr. RL Hnuni te hman an ni a, Dr. Chemtingla Sangtam in Bible Study hun a hmang bawk. Retreat thupui atan "Krista Hriatna" tih hman a ni.
July 9-10, 2022 chhung khan MBKHP Hruaitu ten BKHP Chawngte West Pastor Bial an tlawh a, MBKHP hruaitute - Lalhmingmawii Chongthu, MBKHP Secretary leh Executive Committee member Pi F.Lalawmpuii leh Pi K.Darrothangi te an kal a, July 9 Inrinni zan ah BCM Biak in Horeb ah hun hmangin, Lalhmingmawii Chongthu in thuchah a sawi a.
July 9-10 khan Thingfal Pastor Bial huapin BCM Zion, Thingfal-ah Sunday School Training neih a ni a. He Training-ah hian Resource Person pathum Upa H. Thangrivunga, Upa LP. Lalramzawnga leh Upa T. Lalsangpuia te hman an ni. Bial chhunag Kohhran hrang hrang paruk atangin Sunday School Zirtirtute leh Puipate-mi 110 zet an tel thei a. Bialtu Pastor leh Pro.Pastor ten an tawiawm bawk.
July
8-10, 2022 khan Baptist Mipa Pawl, Pangzawl Pastor Bial chuan “Rinawmna” tih
thupuia hmangin BMP Meet vawi 6-na, BCM Biak In, Khawngbawk-ah an nei a. Speaker-ah
Bialtu Pastor, Rev. K. Lalmuanpuia an hmang.
July 7, 2022 (Ningani) chawhnu dar 1:00 khan Area Development Working Committee, Aizawl chu Eexecutive Secretary Office Meeting Hall, Baptist House, Upper Khatla-ah thu khawmin, Thingtlang Kohhran te tlawh dan tur leh Sacramental Wine chungchang te an thlir ho. Meeting-ah hian member 17 an kal a, Rev. JC. Vanlalluaia Chairman, Area Development Committee Aizawl in kaihruaiin Rev. R. Lalrintluanga Secretary in report a pe.
Mizoram ah Covid-19 vei an pung leh tan a. Kohhran zirna in hrang hrang te pawh nghawng chho leh tawh in, Higher and Technical Institute, Mizoram (HATIM) zirlai te zing ah hri vei an tam leh tak deuh avangin nimin (thawhtan) atang khan ni 3 chhung College khar lailawk a ni a, boruak awmdan azirin khar chhunzawm leh chhunzawm loh chungchang naktuk (Nilai ni) hian a hriat ang.
