Thursday, June 9, 2022

BCM Accounts Internal Audit neih a ni.

Tunkar Thawhtanni, June 6, 2022 atang khan Headquarters Area te, Lawngtlai Area leh Aizawl Area –a BCM Financial Account (2021-2022) Audit a ni a, ruahman ang chuan chawlh kar khat-chhunga zawh hman beisei a ni.

Tunkar Thawhlehni, May ni 7 khan Revival & Evangelism Committee Meeting, Headquarters Office Committee Room No.01 ah neih a ni a. Meeting ah hian Recognised Evangelistic Team ten Recognision tih thar leh an dilna ngaihtuah a ni a, Team 56 atangin dilna a lut a, an vai in recognision hi pek chhunzawm an ni. Hetih rual hian Team thar pali recognision pek thar an ni a, chungte chu -

Recognised Evangelist Team te Rawngbawlna Chanchin

#Team LOGOS:

May 16 aṭang khan BCM Mualṭhuam North ah Camping an la neih chhunzawm zel, Tunah hian chhawng ngana an nei leh mek a, Camp-a lut an tam chhoh zel avangin an hun hman zel dan tur hi sawi lawk theih a la ni lo a ni. Camping vawi 1 na ah Campers 46 lutin a vawi 2 na ah Campers 84, a vawi 3-naah 116 leh a vawi 4naah 100 an lut tawh a ni. Logos Team hi an Speaker Rbt Andrew Lalhmachhuana Fanai a ni.

Social Concern Department Committee Meeting neih a ni:

Tunkar Nilaini, June 8, 2022 chawhma dar 11:00 khan BCM Committee room-1 ah Social Concern Department Committee Meeting neih a ni a. Meeting hi President Rev. Dr. R. Zolawma’n kaihruaiin Manager BCO, Manager Counselling Centre leh Manager Chhawmdawlna In ten Report an pe a. Report tlangpui hetiang hi a ni-

AICS Ademic Session thar tan a ni a, BKHP Mission Vengthlang Bial hnen atangin Tanpuina an dawng.

June ni 8, tunkar nilaini khan AICS chuan Session thar (2022-2023) tan in, Mizoram leh ram pawn hmun hrang hrang atangin zirlai ten Campus an thleng a. June ni 9 atanga ni 11 chhung hian zirlai lut thar, kum khatna bul tan tur te tana thil pawimawh inkhawhhmuhna hrang hrang leh AICS tih dan phung pangngai a, zirlai zawng zawng ten an chawlh chhunga an hun hman dan chungchanga interview runpui bak ah Faculty Meeting te neih a ni a.

Lawngtlai East Bial-in Mission Consultation an nei

June 3-5, 2022 (Zirtawpni – Pathianni) chhung khan Lawngtlai East Pastor Bial te chuan Bial Mission Committee buatsaihin Mission Consultation, BCM Biak In Nazareth, Council Veng-ah an nei a. Mission Consultation hi Inrinni chhunah seminar anga hun hmang in paper present zirho a ni a, Zirtawpni zan, Inrinni zan, Pathianni zing leh zanah te Pathian biak Inkhawm neih thin a ni thung.

BHSS atanga HSSLC Exam 2022-a Distinction a pass mi 29 te Lawmpuina Hun Hman ani

June 3, 2022, Zirtawpni khan Baptist Higher Secondary School chuan HSSLC Exam 2022-a Distinction-a passed te Lawmpuina Hun Tucker Hall ah an nei.

Republic Vengthlang Pastor Bial in Zai kutpui an hmang.

June 4&5 (Iinrinni & Pathianni) khan Bial Worship Committee, Republic Vengthlang Pastor Bial buatsaih in BCM Biak In, Republic Vengthlang ah 'Zai Kutpui' neih a ni a. Thupui atan "Fakna thiltihtheihna" hmangin Rev. JC Vanlalluai, Bialtu Pastor chu Speaker a ni.

Pastor Bial pali-ah Sunday School Seminar neih a ni.

June 4 atanga ni 5 inkar khan Christian Education buatsaih in Pastor Bial hrang hrang pali ah Sunday School Seminar hetiang hian hman a ni.

Baptist Guest House, Upper Khatla Hriattirna

Baptist Guest House Upper Khatla chu Covid-19 avanga mumal taka Kohhran mite hman theih tura kalpui hleih theih loh a nih hnu-ah tunah hian mamawh leh pan duhte tan pan theih a ni leh ta a. Enkawltu (Caretaker) thar Laldinpuii lak a ni a, June thla atanga a hna hi a zawmin, Guest Room enkawl bakah, mikhual mamawhtute tan chaw ei tur a buatsaih sak nghal thei bawk a ni. Phone Number - 93663 56417 ah hian mamawhtute tan biak theih a ni e.

BES Serkawn, Primary School Zirtirtu hna ruak

Baptist English School (BES) Serkawna thawk tur, Primary Teacher pakhat mamawh a ni a, Pawl 12 pass chin, Zirtirtu Training nei, kum 18 leh 35 inkar tan dil theih a ni. Dilna hi Associate General Secretary-Service hnenah ziakin, July 13, 2022 aia tlai lovah Principal, Baptist English School, Serkawn-ah theh luh tur a ni.

Aizawl Area Pastors' Meet 2022 neih a ni

June 4 & 5, 2022 khan Aizawl Area huam chhunga Pastor te leh Probationary Pastor te pualin BCM Biak In chanmari ah AIZAWL AREA PASTORS' MEET 2022 neih a ni a. Aizawl area Bialtu pastor 32 leh probationary Pastor 6 an tel thei a. Heng bakah hian AICS atangin Minister 9, Executive Secretary, Aizawl Area leh Executive Secretary, The Leprosy Mission Mizoram te an tel bawk. Headquarters atangin Rev. R. Lalbiakliana, General Secretary leh Rev.Vanlalmuankima Director Patoral Ministry ten an hmanpui a ni.

BKHP Bungtlang Pastor Bial Huap Seminar Neih a ni.

June 3-5, 2022 chhung khan BKHP Bungtlang Pastor Bial ten thupui 'Lalpa tana alhchhuak nun' tih hmangin Seminar, BCM Biak In Bungtlang ah an nei a, MBKHP hruaitute Lalhmingmawii Chongthu, MBKHP Secretary, Pi C.Zonunsangi leh Pi Zohmangaihi Executive committee member ten an hmanpui. Inrinni nilengin seminar neih a ni a, Resource Person ah MBKHP Secretary Lalhmingmawii Chongthu hman a ni.

Director Education in Baptist English School, Thingsai a tlawh

June 3, 2022 (ZIrtawpni) khan Rev. L. Vanlalsanga, Director, Education Department chu Thingsai-a Baptist English School tlawhin a kal.

Siaha East Pastor Bial ah Sunday School Seminar neih a ni.

June 4-5 (Inrinni leh Pathianni) khan BCM Biak in, New Siaha ah Christian Education Department, Hqrs. Serkawn hmalakna in Siaha East Pastor Bial ah Sunday School Seminar neih a ni a, Sunday School trainer - Upa M. Thansiama leh Rbt. C Malsawmkima ten Seminar hi an hmanpui a.

June 3, 2022 (Zirtawpni) khan Area Development Committee Aizawl chuan BCM Biak In CHanmari ah committee meeting nei in Committee member 46 an tel thei a. Rev. JC. Vanlalluaia Chairman, Area Development Committee Aizawl in kaihruaiin Rev. R. Lalrintluanga Secretary, Area Development Committee Aizawl in report a pe.

Hnahthial Bazar Pastor Bial Worship Committee -in Bial pawn feh chhuah programme an hmang.

Hnahthial Bazar Bial Worship Committee te hi June 4-5, 2022 (Inrinni zan atanga Pathianni zan) hmangin BCM Sikul Veng, South Vanlaiphai tlawhin an fehchhuak a. Thupui 'Chibai buk zawk rawh' Thupuan 22:9 tih hmangin, Rev V Lalzarliana, Upa FP Vanlalruala leh Rbt Vanlalhruaia Pachuau ten thuchah an sawi.

Fellowship Department Committee Neih a ni...

Fellowship Department Committee chu June 2, 2022 chawhma dar 10:30 khan Sap Upa leh Pu Buanga Hall, Serkawn-ah an thukhawm a. Meeting hi Rev. Dr. R. Zolawma, President-in a kaihruai a, FOD Director Rev. ZD Rodingliana’n report tlangpui a pe.

Sethun Kohhran in Diamond Jubillee an hmang

Kar hmasa Zirtawpni, June 3, 2022 khan Mizoram Baptist Kohhran, Sethlun chuan an Kohhran Din thar lehna (1962) atanga kum 60 tlin champha phak (Diamond Jubilee) an lawm.

ṬKP Paithar Pastor Bial –in Bial chhung Unit te inel nan Quiz Competition an buatsaih

June 2-3, 2022 (Ningani leh Zirtawpni) zan khan Ṭhalai Kristian Pawl, Paithar Pastor Bial chuan an bial chhunga Unit ṬKP te inelna atan Quiz Competition an buatsaih a, bial chhunga Unit ṬKP tinte an tel kim a ni.

Administrative Committee-in Baptist English School Extension atan Centenary Building, Falkawn chu luah a remti.

Mizoram Baptist Kohhran Administrative Committee Meeting, June 1, 2022 (Thawhlehni)-a neih chuan Education Department Committee atanga ruahmanna leh dilna a ngaihtuah a. Kum 2022 Assembly-in Baptist English School, Extension siam ni se ti-a a rel bawhzuiin, kum 2023 Session atanga tan theih turin ruahmanna a kalpui mek a. Hemi atana Centenary Building luah an dilna chu Administrative Committee in a rem ti.

Upa PC Rochungnunga, UDC Superannuation Pension-a chhuak tur thlahna neih a ni.

June 2, 2022 admin

Tunkar Thawhlehni, May 31, 2022 chawhnu dar 1:30 khan Baptist Higher Secondary School, Serkawn-a Thawktute leh Zirlai te chuan Upa PC Rochungunga, UDC Superannuation Pensiona chhuak tur thlahna, Tucker’s Hall, BHSS ah an nei.

.