Mizoram
Thalai Kristian Pawl (MTKP) chuan kum 2022 MTKP Rorelna in “Fa neih tam kawnga
inzirtir” leh “Tuihna Humhalh leh Tui Renchem inzirtir” ni se ti a a rel chu
July ni 19, tunkar thawhlehni zan khan BCM Hall, Serkawnah a hawnna hun an
hmang a.
Pu F. Lalremruatpuia, MTKP Vice President-in a kaihruai a; Rev. R. Lalnunzira, Associate General Secretary - Service chuan hawnna inkhawm hi Pathian hnenah hlan in, Rev. Dr. R. Lalthanmawia, Associate General Secretary – Mission (General Secretary Charge la lai) chuan Pathian duhzawnga kan ramin hma a sawnpui ngei theihnan Fa neih tam kawnga inzirtir leh Tuihna Humhalh leh Tui Renchem inzirtir hi a hawng a ni.
MTKP chuan heng an hmalakna tur atan hian sub-committee pahnih an din a, Fa neih tam kawnga inzirtir sub-committee Secretary, Rbt. LH. Lalhmangaiha leh Tuihna Humhalh leh Tui Renchem inzirtir sub-committee Secretary, Pu PC. Lalbiakdika ten hmalakna tur an ruahman te report an pe a. Upa R. Lalrochama, MTKP President chuan an hmalakna tur sawi hawnna hun a hmang bawk a.
Hawnna inkhawmah hian Jonathan Lianhna, TKP Lunglawn Unit, R. Lalrosiami, TKP Serkawn Unit leh BCM Theiriat Bial Zaipawl ten zaia rawngbawlna an nei bawk a ni.
