Tunkar, Thawhtanni (July 18 2022) atang khhan Mualthuam ‘N’ BMP te chuan AICS ah staff quarters sak leh thawm that hna thawkin Work Camp an nei a. BMP member 21 zet an thawk chhuak a, AICS a thawktute chenna in (Quarters) pakhat sa-in, Quarters dang siam that ngai apiang siamtha-in ngawrh takin an thawk a ni. Rohan ang chuan July 22 thleng an cham dawn a ni.
AICS Principal, Rev. Dr. C. Vanlaldika chuan Mualthuam ‘N’ Unit BMP ten AICS a Work Camp an thawk chu lawmawm a tih thu a sawi a, AICS-ah hian Quarters mamawhna a la sang hle a, kum tinin Missionary Training an awm thin thu leh Missionary training, chhungkaw nei te tan Quarters a la awm loh avangin harsatna tam tak an tawh thin thu a sawi bawk.
