Lawngtlaiah Communications Campaign neih a ni.

August 7, 2022 (Pathianni) hmang khan BCM Communications Department hma laknain, Lawngtlai-ah Communication Campaign neih a ni.

Pathianni zing inkhawmah Kohhran hrang hrang sawm-ah inthen darhin hun hman a ni a, Rev. Dr Lalzarliana, Director, Communications Department chuan Lawngtlai Bazar-ah hun hmangin Zan lamah BCM Electric Veng-ah thuchah a sawi a, Rev. Dr F. Lalsangliana, Editor, Kohhrah Beng & Baptist Today in Pathianni zingah Lawngtlai Vengpui leh Zan lamah Maranatha Kohhranah thuchah a sawi a,  Upa Lalbiakthanga Chawngthu, Circulation Manager-in Pathinni zingah Immanuel Kohhran leh zan alamah  Zion Kohhran, Vengpui-ah thuchah a sawi a, Upa KMS Dawngliana, BLS Manager chuan zing lamah Chandmary Kohhran leh Zan lamah Kanaan Kohhran, AOC Veng-ah thuchah sawiin  Upa K. Lalnuntluanga, BPP Manager-in Salem Kohhran leh Zan lamah Nazareth Kohhran, Council Veng-ah thu a sawi. 

Pathianni chawhnu-ah Lawngtlai khaw chhunga Kohhrang Beng leh Baptist Today agent-te pualin BCM Bazar Kohhran Hall-ah meeting neih a ni a, tun aia ṭha leh felfai zawka kohhran chanchinbu-te kalpui dan tur sawihona a ni.

 

August 8, 2022 (Thawhṭanni) chawhma dar 10:30 khan Executive Secretary Lawngtlai Office-ah Baptist Printing Press Lawngtlai Manager leh Book seller-te nen meeting neiin, tun aia changtlung leh ṭha zawka Printing Press leh Bookroom kalpui dan turte sawiho a ni.