Thursday, August 11, 2022

North East India Christian Council Execitive Committtee Meeting neih a ni.

August 10, 2022 Nilaini khan North East India Christian Council (NEICC)  Executive Committee Meeting chu NEICC Office,  Platinum Jubilee Hall,, Shillong ah neih a ni a, he meeting ah hian Rev. R.Lalnunzira, Associate General Secretary Service chu NEICCD President a nihna anga a tel bak ah, BCM aiawhin Rev. ZD Rodingliana, Director Christian Education, Worship leh Fellowship Department a tel bawk. Meeting hi President in kaihruaiin, General Secretary Rev. Dr. Ramengliana hnen atangin report ngaihthlak a ni.

Meeting thurel zing ah Kum 2022 -2024 Working Committee member tur mi 7 ruat te, Peace Centre Coordinator hna thawk tur MTh chin lak ni se tih te, United Christian Forum North East India Committee member atan mi 5 ruat an ni a, chung zingah chuan BCM Upa Dr. Lalzirmawia  Chhangte BCM Chaltlang pawh ruat a ni. 

Heng bak ah hian United Christian Forum North East India General Meeting palai tur Mi 37 atan NEICC Member kohhran tinin pakhat ṭheuh tirh ni se tih te, Halflong Mualhoi Veng leiminin in 150 zet a tih chhiat tuarpuina pek te, NEICC Day of Prayer October 23, 2022 Pathianni vawi thumna beh chhanin Pulpit Exchange Programme Shillong, Aizawl,,Lungei, Lawngtlai, Siaha, Haflong, Churachandpur, Bogaigaon, leh Diphu ah te buatsaih ni se tih a ni a, khawpui tin atan, Coordinator pawh ruat nghal vek a ni bawk.

NEICC hi India hmarrchhak Kohhran hrang hrang inzawm khawm pawl niin, 1937 ah din a ni a, Shillong ah Head Office neiin, General Secretary in full time-a thawk in a ṭhut chilh a ni.


By Communications Dept.BCM -