Christian Hospital Serkawn-a thawk lai leh BCM Sponsored a Specialist zir zawma kal Dr. LH Lallawmsanga, MS (Gen. Surgery), CMC Vellore leh Dr. Laldinsangi Hnamte MD (Pathology), University of College of Medical Sciences, New Delhi te chuan an zirna te zo in June 16 atang khan Christian Hospital, Serkawn-ah Specialist hna an zawm ve leh ta a.
Dr. Laldinsangi hian Specialist hi tha taka passed-in a zo fel tawh a, Dr. LH. Lallawmsanga hian Result a la nghak mek a ni.
BCM sponsored a MD (Gen.Medicine), CMC Vellore-a zir zo, Dr Lalhmingsanga Champhai pawhin July 1, 2022 hian Christian Hospital, Serkawn-ah Specialist hna a rawn zawm thar dawn bawk a, anni bakah hian Dr. Rosy Lalhriatpuii, Pukpui, Government Medical College & Hospital, Aurangabad-a MS (Obs & Gynea) zir zo chu Specialist hna thawk tura lak fel a ni a, ani pawh hian July 1, 2022 atangin a hna hi a rawn zawm ve dawn bawk a ni.