June 21, 2022 Thawhlehni khan Sap Upa leh Pu Buanga Hall, Serkawn-ah Pastoral Committee Meeting neih a ni a, Meeting hi Rev. Dr. R. Zolawma, BCm President-in a kaihruai a, General Secretary Rev. R. Lalbiakliana’n report tlangpui a pe.
General Secretary report chuan Assembly Rorel bawhzuiin Bethel Champhai Bial thar leh Thenzawl ABC Thar hawn a nih tawh thu te, April 12-ah BCM Puipate inthlak-in Charge inhlan fel a nih thu te, April 2022 atangin Pastor pali Rev. R. Zohmingliana, Rev. KV Thanga, Rev. V. Vanlalchhunga leh Rev. LB Khawpuimawia te Superannuation Pesnion-a an chhuah thu te, Kumin chhunga zirna sang zawk zir tura tih Pastor 3 Rev. Lianchhunga Khiangte (D.Th) Rev. Lalnunsiama Sailo (M.Th) leh Rev. B. Rosangzuala (M.Th) ten an zirna tur an pan tawh thu te, tun dinhmunah Pastor zing ah MTh zir mek 3 leh DTh zir mek 5 an vaiin mi 8 an awm thu te a tarlang bawk. Revoival & Evangelism Committee –in Evangelistic Team 4 Recognition a pek thar thu leh Team 56 Recognition tih thar an nih thu leh tun dinhmunah recognised Team 60 an awm mek thu a tarlang bawk.
An thurel zingah Kum 2022-2023 Financial Year chhunga Pastor Nupui Conference buatsaih te, Kohhran Upa Thuzir bu chhut that te a tel a. Pastor zing atangin mi 8 in DTh zir an dil a, diltu te atangin Rev. B.Zirsangliana (Theology) leh Rev. LH Lalremruata (Chruistian Ministry) te thlan an ni a, anni hi AICS-a zirtirna hna thawka awmlai ve ve an ni. An ni bak ah hian nikum lama zir dil mi pahnih phalsak tawh Rev. Lalmuanzuala Sailo leh Rev. Malsawmzuala, History Departemnet ve ve te awm tawh sa in, kumin hian mi 4 ten Common Entrance Test (CET) an ziak dawn a, Committee chuan an inziak tling vek a nih pawhin an vaia zir tura kal turin ruahmanna a siam a ni a. Rev. R. Lalmuanzuala, Field Director, Myanmar pawh Correspondence-a Doctor of Missiology zir phalsak a ni bawk.