June 17-19, 2022 (Zirtawpni – Pathianni) khan Siaha West Pastor Bial chuan . Sam 34:3 “Lalpa chu mi fakpui ula” tih thupuia hmangin Fakna inkhawmpui, BCM Biak In, Town Church Siaha-ah an nei a, Rev. Dr H. Lalthlamuana, Executive Secretary, Lawngtlai Area chu speaker-ah hman a ni.
Pathian biak inkhawm tum 5, zirtawp zan, inrinni chawhma, inrinni zan, Pathianni zing leh zan ah te neih a nih bak ah Pathianni chawhnu ah Fellowship neih a ni. Inkhawm leh Fellowship ah te hian zaihona hlung tak neih thin a nih bak ah Bial Zaipawl, Tualchhung Kohhran Zaipawl te, BKHP, BMP leh Junior TKP Zaipawl leh Group zai te awmin, Nl. Esther Lalkhawngaihkimi, BCM Chawnhu-in Pathian biak inkhawm apiangin zaia rawngbawlna a nei thin a ni.