January – June
2022 chhungin Mission Field hrang hrangah ring thar 881 awmin, Kohhran thar 8
leh Fellowship thar 3 a din belh.
June 22, 2022 (Nilaini) khan Mission Board Meeting, Sap Upa leh Pu Buanga Hall, Serkawnah neih a ni a. Meeting hi Rev. Dr. R. Zolawma, President-in kaihruaiin, Rev. Dr. R. Lalthanmawia, AGS – Mission in report tlangpui a pe.
AGS Report-chuan Assembly 2022 thu rel bawhzuiin, Bethbonya (Longpuinghat) a BCM Mission School, Class VIII thleng zirna chu High School thleng zir theihna turin 2022-2023 Session atangin hawn a nih thu te, Zorinpui (Zochachhuah)-a Missionary Quarters sakna tur ruahman a nih thu te, Zomi Baptist Association (ZBA) hruaituten BCM Mission Department an rawn tlawh thu te, SIMNEI Meeting, May 19, 2022-ah AGS Mission a tel thu te a tarlang a. January – June 2022 chhungin BCM Mission Field hrang hrangah ring thar 881 awmin, Kohhran thar 8 leh Fellowship thar 3 din belh an nih thu a tarlang bawk.
Kum 2022 HSLC Result chhuakah BCM Mission School te result tlangpui tarlangin, Mizoram Board of School Education hnuaiah Mission School 7 atangin Zirlai 109 in exam an bei a, mi 68 an pass a, pass percentage chu za zela 62.38 niin, Assam Board hnuaiah High School 3 awmin zirlai 102 in exam an hmachhawn a, 92-in hlawhtlinna changing pass percentage chu za zela 90.19 a ni.
Meeting
thurel zingah Assam leh Manipur-a thlipui tuar te tanpui nan APB-AID in sum
thawh ve tura min ngen ang in cheng nuai khat APB-AID ah pek ni se tih te, Zomi
Baptist Convention ten BCM Mission Field hrang hrang-ah missionary te rawn tira
thawhho an dil remtih thu te, Borneo Evangelical Mission, Malaysia ten
President leh AGS (Mission) te an Pastor Conference-a Speaker tura an rawn sawm
ang in tirh ni se tih te a tel a ni.
#Republic Vengthlang Pastor Bial,
Aizawl-in Mission Convention an nei.
June 18 – 19, 2022 chhung khan Republic Vengthlang Pastor Bial, Aizawl chuan BCM Biak In Salem Veng, Aizawl-ah ‘Chanchin Tha hi hril rawh u’ Marka 16:15tih thupui hmangin Mission Convention an nei a, Speaker-ah Pu T. Nghaksanga, Mission Promoter hman a ni.
Inrinni zan leh Pathianni zing leh zanah te Pathian Biak Inkhawm neiin, Speaker-in thupui then hrang hrang hmangin thuchah a sawi a, Tv. Jonathan Lianhna te, Nl. Malsawmtluangi leh Bial leh Tualchhung Kohhran Zaipawl te bakah BMP leh BKHP Zaipawl ten rawngbawlna an nei bawk. Pathianni chawhnu-ah Inpawlhona neiin, Speaker-in Mission Focus a neihpui a, BCM Mission Field hrang hranga BCM rawgbawlna chanchin te thlirin inkawhhmuh a ni.
Motor Kawng Lai
tu te puala Crusade buatsaih-ah Ringthar 2 an awm.
Hauruang
daia Kawng siam te Camp-ah Masihi Mission buatsaih crusade chu June 16 zan khan
an țiak a. Tun tumah hian ring thar 2
neiin Baptist Masihi Mission Director Rev. Israel Lalremtluanga’n baptisma a
chantir. He Crusade hi Border Road hna thawktute zingah neih niin, June 15
zanah tannin, zan hnih an nei a, Masihi Evangelist te bakah BCM Sazaikawn
ațangin Upa 1 leh rawngbawltu 2 in an țawiawm a ni.
Missionary 4 ten Furlough
Deputation Programme an hmang mek.
Missionary 4 te Furlough Deputation
Programme hmangin an lo chhuak a. June leh July thla chhung hian Bial leh
Kohhran hrang hrangah Field Report pe leh thuchah te sawiin hun an hmang mek a
ni.
#Evangelist C. Pachhunga (Arunachal East Field) chuan Chhipphir Bial leh Kawrthah Bial-ah te Furlough Deputation Programme a hmang zo tawh a, June 15-26 chhung hian Mission Vengthlang Bial-ah te Programme a hmang leh mek a ni.
.jpeg)
#Rev. Thangridema Pachuau
(Thailand) chuan Hnahthial North Bial-ah Programme a
hmang zo a, June 25-26 chhung hian Cherhlun Bial leh July 9 -10-ah te Zemabawk
Pastor Bialah Programme a hmang leh dawn a ni.
.jpeg)
#Nl. C. Zodinmawii (Nepal) June
16-19 chhung khan Kanhmun Bialah hun hmangin, July 6-20 chhungin Thuampui Bial leh
Farkawn Bialah te hun a hman chhunzawm leh ang.
#Pu C.Lalremsanga (Tripura) chuan
June 4-12 khan Republic Vengthlang
Bialah Furlouh Programme a hmang a. A ni hi Field lama a hna avangin cham rei
hman lovin Bial pakhatah chauh hun a hmang thei a ni.