Independence Day denchhenin Speaker Pu Lalrinliana Sailo-in BCO tanpuina a pe:

August ni 15 khan Lunglei-a India Independence lawmna-a khuallian, Mizoram Assembly Speaker, Pu Lalrinliana Sailo chuan Baptist Church Orphanage tlawhin, tanpuina pawisa fai Rs 10,000/- a pe a. Speaker hi BCO Manager Rev. H. Vanlalruata leh BCO enkawltu Mother ten an lo dawngsawng. 

Manager chuan hun chep tak kara Baptist Church Orphanage rawngbawlna te rawn hriatpuia, thilpek hlu tak a pek avangin lawmthu a sawi.