Ṭhalai Kristian Pawl, Aizawl East Pastor Bial chuan August 13-14, 2022 chhung khan BCM Biak In, Electric Veng Aizawl-ah Bial ṬKP Intawhkhawm an nei a. He Intawhkhawm-ah hian Thupui atan "Krista Zuitu Rinawm" tih hman a ni a, Rev. R. Lalrintluanga, Executive Secretary, Aizawl Area chu Speaker atan hman a ni.
.jpeg)
August 13, Inrinni zan, a tuk Pathianni zing leh Pathianni zanah te Pathian Biak Inkhawm neiin Thupui hmangin thuchah tha tak tak ngaihthlak thin a nih bakah Zaithiam hrang hrang zai ngaihthlak thin a ni a, Unit Report leh chibaibukna te ngaihthlak a ni bawk.
Pathianni chawhnuah Fellowship hun hman niin, thupui ‘Mizo ṭawng hman uar leh hman dik inzirtirna’ tih hmang in Bial ṬKP Asst. Secretary, Pu Lalzarzova (Asst. Professor, Dept. of Mizo, MZU) hnen aṭangin zirtirna ngaihthlak a ni a, Lemchan tawi, Malzai, Live Band leh Group zaite ngaihthlak a ni bawk. TKP Day pual Bial huap thisen peka Unit tiṭhate lawman (Member kal tha lawman leh thisen pe tam lawman) semna hun hman ni bawkin, Thisen pe tam lawmman Bethani Unit, Pahnihna Chanmari Unit leh pathumna Armed Veng South Unit te an ni a. Thisen pe tura member kaltha te lawman pakhatna Bethani Uit, pahnihna Chanmari unit leh pathumna Ramthar North unit te an ni. ṬKP Aizawl East Pastor Bial ah hian Unit 6 awmin member 820 an awm mek a ni.
