June 23, 2022 khan Headquarters Office, Meeting Room No.1-ah Property Department Committee Meeting neih a ni a. Tun tum meeting-ah hian kum 2022-2023 Budget atang-in Biak In hmun leh ram leina tur te, Quarters sak that leh siam thatna tur atana sum pek dan tur ruahmanna a siam a.
Biak In hmun/Ram leh In lei tur hmun sawm pathum (13) atan cheng nuai 483, sing 5 leh sang 5 pek remtih a ni. Pastor Quarters pathum - Khawruhlian Pastor Bial, Thuampui Pastor Bial (Aizawl) leh Thingsai Pastor Bial sak ţhat remtih a ni a, hemi atan hian cheng nuai 25 theuh pek remtih a ni a, kum hmasa lama Pastor Quarters lo sa tawh, sa zo theilo Bial pariat (8) hnenah sak chhunzawmna atan cheng nuai 78 ruahman a ni. Pastor Quarters Repair, Funiture leh Tuizem siamna tur Pastor bial 15 atan cheng nuai 23 leh sing thum ruahman a ni bawk. Headquarters leh Department hrang hrang building hmun sawm paruk (16) leh ram pawna Missionary Quarters sak nan cheng nuai 475 ruahman a ni bawk.