29th June, 2022 khan R&D Department ten 'Awareness on Disaster Risk Reduction' program neiin Baptist English School, Khawmawiah hun an hmang a, Nl. T.Lalfawnvelin zirtirna a pe. He hunah hian School Naupang 80 vel leh Zirtirtu 11 kalin, programme hlawk tak hman a ni. R&D Department hian khawtlang hmasawnna leh chhiatrupna a lo thlen pawha inven dan tur zirtirna hi kum tamtak an lo kalpui tawh thin a ni.
He programme hman zawh hian Education Department Director Rev. L. Vanlalsangan BES Diltlang South leh BES Khawmawi te tlawh nghalin Zirtirtu te nen Meeting neih nghal a ni. BES Diltlang South ah hian kum 2022 atan Naupang 31 neiin Zirtirtu 5 an awm mek a. BES Khawmawiah hian naupang 197 neiin zirtirtu 11 ten an thut chilh mek a ni. He Meeting ah hian Naupang zirtirna kawnga zirtirtu te mawhphurhna te in hrilh hriatna neih a nih bakah school mamawh leh hmasawnna tur te sawi ho a ni.
