June 27, 2022 (Thawhtanni) khan Mizoram Baptist Kohhran puipate leh Lunglei khawpui chhung, Zotlang Bial leh Thririat Bial inkara Bialtu Pastor leh Pro-Pastor te, Bial hruaitu- Chairman leh Secretary te inkawmhona an nei a. Inkawmhona ah hian mi 33 an kal khawm a ni.
Inkawmhona hi Sap Upa leh Pu Buanga Hall, Serkawn-ah neih a ni a, Rev. Vanlalmuankima, Director, Pastoral Ministry Department-in tanna hun hmangin Pathian hnenah inkawmhona a hlan a. General Secretary, Rev. R. Lalbiakliana’n Bial hruaitute hnenah lawmthu sawiin, Inkawmhona neih chhan a sawi fiah a. Khawpui chhunga Bial hruaitute nena inhmelhriat tawnna leh rawgnbawlna kawnga in zawmna tha zawk atana buatsaih a nih thu a sawi.
He hunah hian inhmelhriattirna neih a
nih bakah kawng hrang hrangin inkawmhona neih zui a ni a. Lunglei khawpui
chhunga Kohhran hote rilru leh thlaraua sawhngheh zel an nih theih nan te,
Pathian ram a lo zau va, a lo ngheh a, a lo lan fiah deuh deuh theih nan
Kohhran member te pawh buatsaiha, hmalak ho zel dan tur te sawihovin, Kohhran a
lo than zel na atana hmalak dan tur te an sawiho bawk. Inkawmhona hi Rev. R.
Lalnunzira, AGS Service-in tawngtaina hmangin hun tawp a khar a ni.