Mizoram BMP Rorelna-in Pastor bial hrang hrangah BMP dinchhan campaign neih ni se ti-a a lo rel tawh bawhzuiin, Lawngtlai Area chhunga hma lak tanna turin June 30, Chawhma dar 11:30 khan BCM Biak In, Bazar, Lawngtlai-ah BMP din chhan Campaign hawnna hi hman a ni.
BMP Dinchhan Campaign Hawnna Inkhawm hi Pu Liankunga MBMP Vice President-in kaihruaiin, Rev H. Lalfakzuala'n Devotion hun a hmang a, Introduction leh Welcome speech Pu Vanlalpek Fin. Secy MBMP in a nei. Pu Hrangthanzova, Chairman, Lawngtlai Area BMP Co-ordination Committee hnen atangin Greetings ngaihthlak a ni a, Lawngtlai North Pastor Bial Zaipawl, solo - Nl Vanlalchhamchhuahi, BCM Bazar leh BMP Kanan unit zaipawl ten hiam tak takte atangin zai ngaihthlak a.ni bawk.
He hunah hian Upa Dr. Joseph Lalrindika Chawngthu Sr Adv leh Rev Dr. H. Lalthlamuana ES Lawngtlai atang te thuchah ngaihthlak a ni a, Pu Rohimliana Secretary, Lawngtlai Area BMP Coordination Committee hnen atangin Report ngaihthlak a ni. MBMP atangin Pu F..Kapzawna'n Lawngtlai Area chhunga Dinchhan Campaign sensoa hman turin ₹ 20000/- (singhnih) a hlan.
Hemi hnu hian MBMP President, Rbt. Chawngrolura Chawngthu-in Campaign Kick Off hun hi nei a, BMP DINCHHAN sawi rualin, kan nei a, Pu Lalzamliana Sailo MBMP, Ex Comt member-in kalkhawmte leh kawng hrang hranga Programme hlawhtlin nana hma laktute chungah lawmthu a sawi a, hemi zawh hian tawngtaiin Inkhawm a khar nghal a ni.
