Aizawl East Pastor Bial Sunday School Committee buatsaih in 28 August, 2022 (Pathianni) nileng khan BCM Biak In, Chanmari-ah Senior 'A' leh Intermediate Meet hman a ni a, bialtu Pastor Rev. C. Chhuntluanga Speaker atan hman a ni.
Zing Inkhawm hi Upa R. Lalthanzuala, Vice Chairman in a kaihhruaia, Speaker hnen atanga thuchah ngaihthlak a nih bak ah, Item chi hrang hrang Malzai, group zai, Recitation, Group Recitation leh Zaipawl te ngaihthlak a ni. Chawhnu inkhawmah Bial Sunday School Asst. Secretary, Rbt. Isaac Laldawngliana'n inkhawm kaihruaiin Speaker thuchah bak ah item chi hrang hrang Malzai, group zai, recitation, Group Recitation, Worship Dance leh zaipawl te neiin hun hman a ni bawk.
Meet-ah hian Senior 'A' leh Intermediate zirlaite an kal tha hle a, Aizawl East Pastor Bial huamchhungah hian Kohhran 6 - Armed Veng South, Bethani, Chanmari, Electric Veng, Ramthar North leh Saron te an awm mek a, Senior 'A' leh Intermediate zirlai hi tun dinhmunah 270 vel an awm a ni.
