August 27 leh 28 hmang khan Rev. R. Lalbiakliana, General Secretary, Rev. Vanlalmuankima Director, Pastoral Department leh Pu Lalramchhana Junior Engineer, Property Department te chu Aizawl leh Kolasib Pastor Bial tlawhin an zin chhuak.
Inrinni ah Aizawl Area Development Committee hruaitute nen
Falkland a Baptist Multipurpose Centre te enin, ram leh building hman zui dan tur
ruahmanna te an thlir hova, hemi hnu hian BCM New Secretariat Complex Biak In
sak lai mek a hmunah an enpui nghal bawk.
Hemi ni hian Kolasib lamah kal nghalin Kawnpui leh Thingdawl Kohhran an tlawh a.Hetah hian AICS Principal leh thawktu thenkhat ten an tawiawm a. Pathianni zingah General Secretary-in Kolosib Kohhran-ah hun hmangin Director Pastoral Department-in Diakkawn Kohhranah hun a hmang a, Rev. Dr. C. Vanlaldika, Princiapl AICS leh zirlai ten Kolasib Vengthar-ah hun an hmang bawk. Pathianni Chawhnu-ah Bial hruaitute nen inkawmhona neiin Pathianni zanah Kohhran pathumah in insem darh-in hun an hmang leh a ni. Thawhtanni-ah Aizawl pan leh in Aizawl-ah hian Vaivakawn Biak In sak lai a hmunah an enpui hnu ah, Lunglei panin an let leh ta a ni.
