Tunkar Thawhlehni, August 29, 2022 khan Mizoram Baptist Mipa Pawl (MBMP) Executive Committee Meeting chu Sap Upa leh Pu Buanga Hall, Serkawn-ah neih a ni a. Meeting hi Rbt Chawngrolura, MBMP President-in a kaihruai a, Rev. H. Lalfakzuala, Secretary MBMP-in report a pe.
Secretary report-in a tarlan danin Tun dinhmunah BMP hi Mizoram pum-ah BMP member 15941 awm mekin, Pastor Bial 77 –ah Unit 331 an awm a. BMP la din lohna Pastor Bial 15 leh Tualchhung Kohhran 146 an la awm a ni. Kum 2023-a BMP Thuzir atan ‘Tunlai Mizo Pate hmachhawn’ tih chu thlan fel a nih tawh thu leh a ziak turin Rev. Dr. Rodinmawia Ralte ruat a nih thu leh a ziak mek thu a tarlang a.
MBMP Rorel-2022 in a passed angin Zuk leh Hmuam that loh zia inzirtirna leh Tuihna humhalh leh thing phun kawnga hmalakna Bial leh Unit-ah te kalpui mek a nih thu te, BMP Dinchhan Campaign chu Aizawl Area leh Lawngtlai Area ah te Khuhhawnna nei tawhin, campaign kalpui mek a nih thu te a tarlang a, Headquarters Area-ah pawh MBMP hruaitu ten hma la chhovin hemi atan hian ruahmanna siamin bawhzui mek a nih thu a tarlang.
Heng bakah hian kum 2022 MBP Day tha taka hman a nih thu leh hemi ni denchhen hian ram pumah BMP ten Ram tana tawngtaina neih a nih thu te, MBMP Inkhawmpui 2023-a Hnahthial-a neih tur atan inbuatsaihna hrang hrang ngawrh taka kalpui mek a nih thu a tarlang bawk.
Meeting thurel zingah MBMP Rorel
2024 thlen dil duh te tan dilna hun hawn
ni se tih te, MBMP Inkhawmpui 2023 atan Zaipawl din chungchang leh MBMP
Inkhawmpui 2026 dawltu tur chungchang te
relin dawl duh te tan dilna hun hawn ni se tih a ni.