Hnahthial ‘S’ Bial-ah Mission Convention neih a ni.
August 27-28, 2022 (Inrinni leh Pathianni) hmang khan Hnahthial South pastor Bial Mission Committee hmalakna-in Bial huap Mission Convention, BCM Peniel-ah neih a ni a. Speaker-ah Rev. Dr. R. Lalthanmawia, AGS Mission chu hman a ni.
Convention hi
Inrinni zan, Pathianni zing leh Pathianni zanah te Pathian Biak Inkhawm neiin
Speaker thuchah bakah Zaipawl hrang hrang leh Mimal zaithiam ten rawngbawlna an
nei thin a ni a, Pathianni chawhnu-ah Inpawlhona neiin, Mission rawngbawlna
chungchang thlirhona leh zawhna leh chhanna hunt e hman a ni.
Aruanchal East Field ah Thawktu te Pual
Retreat neih a ni.
August 25 - 27 chhung khan Arunachal East Field-a kan thawhpui Adi Baptist Union hnuai a thawktute 'workers retreat' neih a ni a. Field Director Rev. Lalsangzuala Sailo leh Missionary Pu ZD.Laltanpuia te bakah Association hruaitute Speaker-ah hman an ni. Retreat ah hian Missionary te leh a ram mi thawktu (Evangelist) te bakah Office-a thawktu te mi 53 an tel a ni.
.jpeg)
30 August, thawhlehni khan Yomcha hmunah Puanthui zirna (Tailoring training Programme) hawn a ni a. Puanthui zirna programme hawnna ah hian Puanthui zirtirtu (Tailoring Instructress) Pi Ngurthansangi bak ah Missionary Pu C. Pachhunga, Tv.Vanlaltlanchhuaha leh Kohhran hruaitu ten an hman pui a ni. He puanthui zirna hi thla thum chhung kalpui tura ruahman ni in, Zirlai hi 19 an awm dawn a ni.
