Rev. F. Zorinkhuma MṬKP Secretary Speaker a hmangin ṬKP Hnahthial North Pastor Bial te chuan 26th - 28th Aug, 2022 chhung khan BCM Biak In Electric North-ah Crusade an nei a. Thupui atan "Thih Thlenga Rinawm" (Thupuan 2:10) hman a ni.
.jpeg)
Speaker bakah MṬKP atangin Pu K.Lalawmpuia (Asst. Secy), Nl. J. Lalrintluangi (Treasurer), Rbt. Joseph B.Zirsangzuala (Executive Committee Member) leh Pu Chanchinmawia Fanai (Executive Committee Member) ten he hun hi an hmanpui.
.jpeg)
Inrinni chawhma-ah Bial chhung Unit hrang hrang a Programme Committee leh Executive Committee member chinte pual in Leadership Training neih a ni a, Rev. F.Zorinkhuma Secretary, MṬKP chu Resource Person ah hman nghal a ni. Pathianni chawhnu-ah 'Ruihhlo Chungchang Inzirtirna' neih niin Pu K.Lalawmpuia MṬKP Asst. Secretary chu Resource Person atan hman a ni bawk.
ṬKP Hnahthial North Pastor Bial-ah hian Unit 4 ; Denlung Unit, Thiltang Unit, Electric North Unit leh Electric Unit te awm in Member hi an zavaiin 932 an ni.
.jpeg)
.jpeg)