Baptist Puplication Board buatsaihin tunkar Ningani, September 15, 2022 chawhnu dar 1:00 khan BCM Hall, Headquarters Office, Serkawn-a thawktute pualin Mizotawng hman chungchang inzirtirna ‘Mizo Tawng Seminar’, neih a ni a. Seminar ah hian BCM Office-a thawktu tel tura ruat leh Publication Board member leh Proof readers te mi 30 chuang an tel a ni.
Seminar hi Rev. Dr. Lalzarliana, Director, Literature & Printing Department-in a kaihruai a. Seminar buatsaih a nih chhan te, a pawimawhna leh a tulna te a tarlan hnu in Rev. R. Lalnunzira, AGS – Service-in Pathian hnenah Programme te hlanin tawngtaina a nei a, Seminar hi tan a ni. Resource Person atan Pu C. Lalhmingmuana, Publication Board in Proof Reader atana a ruat te zinga mi hman a ni. Resource person hian Pu Lalzarliana Khiangte, BCM Shalom, Aizawl in he simanar atana a ziak 'Mizo tawng ziah dana hmasawn nan' tih behchhanin zirtirna a nei a. Sawihona leh zawhna leh chhanna hun te hman a ni bawk. Rev. L. Vanlalsanga’n Malsawm tawngtaiin Seminar hun tawp a hmang.