Ramlaituiah KNP Camping neih a ni.
Fellowship Department Headquarters leh Ramlaitui Kohhran te ruahmanna in September 9-11 khan Tv. Zonunsanga, KNP Trainer Speaker-a hmang in, Ramlaitui ah KNP te pual in Camping neih a ni a. Zirtawpni leh Inrinni nilengin Camping programme hi hman a ni a, lang Camp a nih ang in zan lamah hun hmang lovin chhun ah chauh hun hi hman thin a ni a. Zan lam ah chuan Beirual Programmme Tualchhung kohhran in a hmang thin a ni. Camping ah hian KNP member 70 vel an kalkhawm a ni. Pathianni zing leh zanah te Camp Follow-up neiin Kohhran pum huapin chhunzawm a ni bawk.
Lamthuamthum, Haulawng ah KNP Pualin HIV/Aids leh Drugs Awarness Campaign Neih a ni.
September 11, 2022 khan Haulawng Lamthuamthum KNP te pualin nilengin HIV Aids chungchang te, Drugs leh a kaihnawih hmansual chungchanga inzirtirna leh Hmeichhiat mipat chungchanga Naupangte hriat awm chi inzirtirna (Sex Education) neih a ni a. He Programme hi Fellowship Department Headquarters leh Lamthuamthum KNP hruaitute ruahmanna a neih a ni a, KNP Trainer Tv. K. Lalhriatpuia chu zirtirtu ni in, TKP Salem Unit, Lunglei member 8 in an tawiawm. Chawhma lamah zirtirna hrang hrang zirhona te hi nei in, chawhnu lamah inkhawmna hun neiin Pathian fak hona te nei in, zirtirtu hnen atangin Pathian thu chah ngaihthlak a ni bawk. He hunah hian KNP member leh an zirtirtu te mi 60 vel an tel a ni.
KNP Electric Unit Aizawl ten infiamna (Sport) an
nei.
KNP
Electric Unit, Aizawl te chuan September ni 10, Inrinni nileng khan Aizawl
Venglai Basketball Court ah Sport hlimawm tak an hmang a. Convener Rbt. F.
Vanlalbiaka'n hunserh hmangin Sport item chi hrang hrang Futsal, Penalty pet,
inhruipawh, Spoon race, inkawibah, perek chhut leh relay race te hmangin infiamna
hun hlimawm tak an hmang a, tlai ah Biak In hall zanriah ei ho in hun an hmang
bawk.
