Mission Rawngbawlna Chanchin thar

Bethel Baptist Mission School, Dhubri ah Gospel Meeting neih a ni.

September 8&9, 2022 khan Bethel Baptist Mission School, Dhubri-(Assam) chuan Zirlaite pualin 'Formation Week' (Gospel Meeting) an nei a. Speaker-ah Rev. K. Lalnunsanga, Regional Director, Guwahati hman a ni.

 Spekaer hian sermon vawi 6 sawi a sawi bakah Nl. Dingpui'in a tawn hriat atanga Pathian hnathawh leh malsawmna a dawn dan te sawi in tum 3 hun a hmang bawk. Zirlai ten Pathian thu an dawngsawng tha hle a, Isua Krista hi ka Lal leh Chhandamtu a ni ti a pawm thei mi 130 vel zet an pen chhuak a ni. Tun tuma Gospel Meeting hi Class V atanga class X chin tan buatsaih a ni a, zirlai 350 vel an tel a ni.

Chakma Baptist Church, Kalamanagar ah Music zir hona buatsaih mek a ni.

Chakma Baptist Church a zai hruai tur te buatsaihna ‘Music Training’ chu tunkar thawhtan September ni 12 atang khan Chakma Mission buatsaih in Chakma Baptist Kohhran, Kamalanagar ah buatsaih a ni a. Tun tum ah hian Chakma Baptist Church Pastor bial pahnih Kamalanagar North Bial leh Kamalanagar South Bial aṭang te in zir tur thlan an ni a, mi 8-in an zir mek a ni. He training a zirtirtu atan hian Pu PC lalduhawma, Music Teacher, Chakma Mission chu hman a ni.

Dhubri Area Paho pualin Camping hlawhtling tak neih a ni.

September 10-11, 2022 khan Assam Dhubri Area-a Paho Pualin Camping neih a ni a, Speaker-ah Rev. K. Lalnusanga, Regional Director, Guwahati hman a ni. Speaker bakah hian Pu RC Vanlalhriata, Office Assistant, Guwahti –in Assamese tawngin thuchah tum thum a sawi bakah Paper a present bawk. Camping-ah hian Dhubri Area-a Pa ho mi 101 zet an lut a, thuchah an dawngsawng tha-in an hlim hle a, campers zawng zawng-in sawmna chhangin an inhlan a. An zingah hian Kristian la ni lo engemawzat an awm a, Kristian ni tawh, hnungtawlh leh te pawh hlimtakin an in hlan thar leh a ni.

Arunchal East Field in 'Field Committee Meeting' an nei.

September 9, 2022 (ZIrtawpni) khan Arunchal Pradesh - East Field-a Missionary thawktu te chuan 'Field Committee Meeting' Basar Missionary Quarters-ah an nei a. Kum 2023 atan a Field hmalakna tur kawng hrang hrang an rel a ni.

Meetingah hian  mobile application 'Puune Takar (Hmar Arsi) tih chu Field Director Rev. Lalsangzuala Sailo in a tlangzarh a. He mobile application hi Adi leh Galo hnam te tan a buatsaih a ni a. Kristiante zingah ziak leh chhiar thiamlo tam tak an awm a, chung miten Pathian thu (Bible) an ngaihthlak theih nan buatsaih a ni. Pathianthu (Bible) bak ah Sermon leh Pathian fakna hla te dah a ni bawk.

Field Committee neih zawh a nih hian, Inrinni leh Pathianni-ah Missionary te hi pawl hrang hrang ah in sem darhin Basar leh a chhehvel khua ah te Pathianthu sawi leh tawngtaia rawngbawlna hun hmang in an chhuak nghal a. Kohhran hruaitu engamaw zatin an tawiawm bawk.