Mission rawngbawlna Chanchin

Kawrthah Pastor Bial-ah Mission Convention neih a ni:

August 13-14, 2022 chhung khan BCM Kawrthah Tualchhung Mission Committee buatsaih in, thupui “Chanchintha hi hril rawh u” Marka 16:15 tih hmang in Mission Convention an nei a. Speaker-ah Rev. Lalremsiama Ralte, Mission Director hman a ni. Speaker hi a nupui Pi C.Lalzirliani, zaithiam Rebek Lallawmzuali leh Rbt. Thansanga, Lunglawn leh Driver Rinpuia ten an ṭawiawm a ni.

MBKHP Hruaituten Phawngpui West Pastor Bial an tlawh.

BKHP Phawngpui West Pastor Bial in Bial huap Seminar leh Retreat inkawp an neihnaah MBKHP hruaitute an sawm angin August 13-14, 2022 chhung khan MBKHP hruaituten Phawngpui West Bialah hun an hmang. 

Rahsiveng Pastor Bial in Zai kutpui an hmang.

August 13 & 14, 2022 khan Rahsiveng Pastor Bial in BCM Biak In, Venghlunah, thupui, "Aw ka Nunna, Lalpa chu fak rawh" Sam146-na hmangin ZAI KUTPUI an nei a. Rev. Dr. R. Lalthanmawia AGS – Mission Speaker-ah hman a ni. 

BCM Edenthar Collegeveng-ah Ruihhlo Pual Awereness & Seminar neih a ni.

August 14, 2022 Pathianni khan BCM Edenthar, Collegeveng, Lunglei-ah Social Concern Department hmalakna-in Ruihhlo that loh zia leh Ruihhlo ngaite chhanchhuah dan tur inzirtirna Awareness neiin hun an hmang.

Cherhlun Pastor Bial BMP Meet Cum Leadership Training

August 13-14, 2022 hmangin BCM Cherhlun Pastor Bial BMP Meet Cum Leadership Training BCM Biak In, Kalvary - Cherhlunah neih a ni a. He hunah  hian MBMP President Rbt. Chawngrolura Chawngthu Speaker a hman a ni a. Pu B. Malsawmkima BCM Chanmari Lunglei  leh Tv. Lalrozuala Chawngthu, BCM Venghlun-in Speaker hi an tawiawm.

Shillong Pastor Bial BKHP Retreat Neih a ni.

August 15, Thawhtan nileng khan Shillong Pastor Bial BKHP huap Retreat, BCM Biak In, Madanriting, Shillong ah neih a ni a. Retreat ah hian Bialtu pastor Rev.F. Ramdinmawia chu resource person niin, Retreat thupui atan 'Rilru Hrisel' (Mental Health) tih hman a ni.

TKP Aizawl East Pastor Bial-in Intawhkhawmna hun an Hmang

Ṭhalai Kristian Pawl, Aizawl East Pastor Bial chuan August 13-14, 2022 chhung khan BCM Biak In, Electric Veng Aizawl-ah Bial ṬKP Intawhkhawm an nei a. He Intawhkhawm-ah hian Thupui atan "Krista Zuitu Rinawm" tih hman a ni a, Rev. R. Lalrintluanga, Executive Secretary, Aizawl Area chu Speaker atan hman a ni.

HATIM-in College Sports’ Week an hmang

Higher & Technical Institute, Mizoram (HATIM) chuan Hripui lêng avanga kum 2 zet College Sports’ Week an hman theih tawh loh hnuin kumin (2022 session) atan August 7-12, 2022 chhung khan Sports’ Week an nei.  

Independence Day denchhenin Speaker Pu Lalrinliana Sailo-in BCO tanpuina a pe:

August ni 15 khan Lunglei-a India Independence lawmna-a khuallian, Mizoram Assembly Speaker, Pu Lalrinliana Sailo chuan Baptist Church Orphanage tlawhin, tanpuina pawisa fai Rs 10,000/- a pe a. Speaker hi BCO Manager Rev. H. Vanlalruata leh BCO enkawltu Mother ten an lo dawngsawng. 

AICS-ah India Ram Independence Day lawmna hun hman a ni.

Kum tina an tih dan thin ang in, August ni 15 khan AICS-ah zing dar 7:00 atangin India Independence Day lawmna hun hman a ni a. Khual lian ah Upa Dr. C. Dothanga, IPS (Rtd) hman a ni. 

Evangelist te Rawngbawlna

 Tun kar liamta-a BCM recognized Evangelistic Team rawngbawlna nei te leh tuna la nei mek kan hriat theih te kan han tarlang ang e.

Mission rawngbawlna

#Zotlang, Lunglei huam chhunga Muslim Bengali Mistiri leh helper te pualin Crusade neih a ni
August 8-10, 2022 chhung khan BCM Zotlang North Mission Committee bultumin Zotlang a Muslim Bengali Mistiri leh helper te pualin Crusade neih a ni a. Speaker-ah Rev. Israel Lalremtluanga, Director, Baptist Masihi Mission hman a ni a, Baptist Masihi Evangelist ten an tawiawm bawk. He Crusade-ah hian mi 16 vel kalin, zan lamah hun hmanpui thin an ni.

North East India Christian Council Execitive Committtee Meeting neih a ni.

August 10, 2022 Nilaini khan North East India Christian Council (NEICC)  Executive Committee Meeting chu NEICC Office,  Platinum Jubilee Hall,, Shillong ah neih a ni a, he meeting ah hian Rev. R.Lalnunzira, Associate General Secretary Service chu NEICCD President a nihna anga a tel bak ah, BCM aiawhin Rev. ZD Rodingliana, Director Christian Education, Worship leh Fellowship Department a tel bawk. Meeting hi President in kaihruaiin, General Secretary Rev. Dr. Ramengliana hnen atangin report ngaihthlak a ni.

Phuaibuang Pastor Bial KNP Inkhawmpui vawi 30-na neih a ni.

Aug, 6-7, 2022 khan "Lalpa Thu sawi rawh, i chhiahhlawhin a ngaithla e” I Samuela 3:9 tih thupuia hmangin Phuaibuang Pastor Bial KNP Inkhawmpui vawi 30-na BCM Biak In Phuaibuang-ah neih a ni a. Speaker ah hian tunlaia Pathianin thalai te zinga a hman mek, BCM Aizawl West ami Stephen Lalruatfela, Krista Thawhpuitute Team Speaker chu hman a ni. 

North East India Harvest Network atanga Hriattirna leh Ngenna

India ram Independence Day 75-na pualin North East Harvest Network chuan India ram leh North East India pualin Tawngtai khaidiat a buatsaih dawn a. He Tawngtai Khaidiat hi August 15(Thawhtanni) zing dar 7:00 atanga tannin zan dar 9 thlenga neih tura ruahman a ni a, Zoom Cloud Meeting kaltlang neih tur a ni. NEI Harvest Network Director, Rev. PC Muanthanga chuan Kohhran hote he tawngtai khaidiat hi kan remchan dan anga lo zawm theuh turin min sawmin min ngen a. A hnuaia Meeting ID leh Password tarlan hmang hian Kohhran hote a thei apiang lo zawm theuh turin kan in hriattirin, kan in ngen a ni e.