August 20, inrinni khan Aizawl Area ȚKP Co-ordination Committee in Blood Donation Calendar a buatsaih bawhzuina in, ȚKP Bawngkawn Pastor Bial te chuan Bawngkawn Kohhran Hall ah Thisen Unit 100 an pe.
Thisen hi Zoram Medical College, Falkawn Blood Bank-a hman tur atana pek a ni a, ZMC Blood Bank-a thawktu ten a hmunah kalin an la a ni. Thisen petute hi Mipa 82 leh Hmeichhia 18 niin, thisen pekna hmuna member kal zawng zawng hi mi 256 an ni.
Bawngkawn Pastor Bial ah hian ȚKP Unit Sarih (7)- Bawngkawn, Bawngkawn Brigade, Chaltlang, Ednethar, Chaltlang Lily Veng, Hmar Chaltlang leh Lungmuat te awm in member 800 vel an awm mek a ni
August 20, inrinni vek khan ȚKP Țhuampui Pastor Bial te pawh in Civil Hospital Aizawl, Blood Bank-a hman atan thisen Unit 26 an pe a, thisen petu te hi mipa 25 leh hmeichhia 1 niin, thisen pekna hmuna member kal zawng zawng te hi 72 an ni.
Țhuampui Pastor Bial ah hian Unit ȚKP panga (5)- Muanna, Bethel, Zuangtui, Thuampui leh Thuampui Vengthar te an awm a, member 300 bawr vel an ni.
