August 17-19 khan Rev. R. Lalrintluanga, Executive Secretary, Aizawl leh Aizawl Khawpui chhunga Bialtu pastor thenkhat Rev. K. Lalbiakchhawna, Bawngkawn Bial, Rev. V. Laltlanzuala, Mission Vengthlang Bial, Rev. T. Lalsangvunga, Central Bial, Rev. T. Lalawia, Luangmual Bial te leh Upa H. Lalmuankima, Secretary, Aizawl East ABC leh Aizawl ES Office atangin Upa F. Hranglawma, H.A, Tv. F. Lalrammawia, Production Assistant leh Driver Pu J. Lalramliana te chu Champhai leh a chhehvel kohhran hrang hrang te tlawhin an fehchhuak a.
August ni 17 zan hian Champhai Bethel kohhran ah Pathian Biak inkhawmna ah telin, hetah hian Rev. K.Lalbiakchhawna'n Pathianthu a sawi a, inkhawm ban ah Bethel Pastor Bial hruaitu te nen inkawmhona nei in, Bial rawngbawlna kalmek leh hmachhawp te sawiho in hun an hmang. A tuk Agust 18 ah BCM Zokhawthar atanga kohhran thar indan na tur Biak In hmun leh Biak In sak dan tur te en in hun an hmang a, hetah hian Biak-in sakna tur atana Hqtrs atanga tanpuina pawisa fai Rs.400,000/- chu Pro- Pastor R. Lalramchhana hnenah hlan a ni a, hemi rual hian Area Development Committee, Aizawl atangin tanpuina Rs.10,000/- kohhran te hnenah hlan tel nghal a ni bawk.
Zokhawthar ah hian Baptist English School tlawh nghalin School naupang an neih dan te leh an school kal pui mek dan te Principal te nen sawi hoin hun an hmang a, tun dinhmunah BES Zokhawthar ah hian Nursery atanga Pawl 8 thleng awmin, Zirtirtu hi Principal nen 11 an awm a, Zirlai 290 vel an nei mek a ni.
Kohhran hruaitu te hi August ni 18 tlai lam ah Khawzawl ah pheiin Biak in pahnih sak mek chu a hmunah kalin an en a, zanlamah Bial hruaitu te nen bial hmachhawp leh kal zel dan tur te sawiin inkawmhona an nei a ni.