BCM Thlakip Chhuak Chanchinbu Hrang Hrang Kalphung Chungchanga Inrawnkhawmna neih a ni.

August 23, thawhlehni chawhma dar 11:30 khan thlakip chhuak kohhran chanchinbu hrang hrang; Kohhran Beng, Missionary Tlangau, Loisi, Thalai Entu leh Naupangte Thian chungchanga inrawnkhawmna, BCM Hall, Serkawn-ah neih a ni. 

Inrawnkhawmna hi Rev. R. Lalbiakliana, General Secretary in kaihruai in, Kohhran chanchinbu hrang hrang ten kawng hrang hranga hma a sawn theih dan tur sawihona neih a ni. Sawihona ah hian Chanchinbu chhungthu tih hmasawn dan kawng te, chanchinbu ten a hun taka a dawngtu te kut a thlen theih dan tur te leh thil dang pawimawh hrang hrang te sawi a ni.