August 19-21,2022 chhung khan Pangzawl Pastor Bial TKP chuan BCM Biak in, Venghlun, Pangzawl-ah 'Boralte zawnga chhandam' (Luka 19:10) tih thupui hmangin Bial TKP Meet an nei a, Speaker ah Upa PC Vanlalrova, Senior Adviser MTKP chu hman a ni.
.jpeg)
Zirtawp zan atangin Pathianni zan thleng Pathian
Biak Inkhawm neih thin a ni a, Speaker hnen atangin Pathianthu ngaihthlak
thin a ni a. Inrinni zan bik erawh chu Fakna inkhawm atan hmangin Bialtu
Pastor Rev. K.Lalmuanpuia'n inkhawm kaihruaiin hun tam zawk Pathian fak hona atana hman a ni a, Speaker hnen atangin
Fakna chungchang thuchah tha tak ngaihthlak a ni bawk.
Inrinni chawhma-ah Seminar neih a ni a, hetah hian MTKP hruatu Tv. Lalhlimpuia Pachuau, Executive Committee Member chu resource person niin, Mihring nihna (hmeichhia leh mipa) Gender Identity chungchang zirho a ni. Pangzawl Pastor Bial TKP Meet-ah hian Pu Chanchinmawia, Executive Committee member pawhin a bul atanga a tawp thlengin a tel pui a, Inkhawm hun hrang hrang ah te Jonathan Lianhna, TKP Lunglawn unit in Pathian faka rawngbawlna a nei thin bawk.
Pangzawl Bastor Bial chhungah hian Unit paruk - Khawngbawk, Ramrikawn, Keltan, Khuanghlum, Pangzawl, leh Venghlun te an awm a, member 719 an ni.
.jpeg)