Pastoral Department buatsaih in August ni 25 khan Headquarters are huamchhunga Pastor, Pro-Pastor leh Ordain minister te pualin Pastor te Intawhkhawmna neih a ni a. He hunah hian Headquarters Office-a Ordian minister te leh Headquarters Area-a Bialtu Pastor leh Pro-Pastor te mi 70 an kal khawm a ni.
.jpeg)
Chawhma hun ah Rev. R. Lalbiakliana General Secretary in intawhkhawmna buatsaih a nih chhan; Pastoral Ministry in hma a sawn theihna tur atana intawhkhawmna buatsaih a nih dan te sawiin, Pastor kalkhawmte theihtawp chhuaha an mawhphurhna leh rawngbawlna tihlawhtling zel tura fuihna thu te a sawi bawk.
Chawhnu hun chu sawihona leh inrawnna hun atana hman a ni a, Rev. Vanlalmuankima, Director, Pastoral Ministry Department in kaihruaiin, Kohhran than zelna (Church expansion) chungchang leh Pastoral Ministry kaihhnawih hrang hrang sawihona neih a ni.