Hnahthial, Leite leh Rotlang East ah Communications Department Campaign neih a ni

August 21, Pathianni khan Hnahthial khawchhunga tualchhung kohhran 7 - Electric, Electric North, Bazar, Venglai, Kanaan, Peniel, Lungleng leh Leite leh Rotlang East kohhran ah te Communications Department atanga tih chhuah Kohhran Beng leh Baptist Today Campaign neih a ni. 

Heng kohhran hrang hrang ah te hian Headquarters atangin Rev. Dr. Lalzarliana, Director Communications & Litterature, Rev. Dr. Lalsangliana, Editor Kohhran Beng & Baptist Today, Rev. L. Vanlalsanga, Director Education etc., Upa K. Lalnuntluanga, Manager Printing Press, Upa Lalbiakthanga, Circulation Manager leh C. Lalhmachhuana, Manager, Audio Visual Production ten thusawina hun leh Kohhran Beng leh Baptist Today an tlawh kohhran ten an lak dan te tarlangin campaign an hmang. Campaign ah hian hun hmangtu te bak ah hian Nl. Remsangpuii, LDC leh Driver Pu Lalrinpuia leh Lalawmpuia te an tel bawk.

Kohhran hrang hranga Campaign neia hun hman a nih bak ah, Pathianni chawhnu dar 2 khan BCM Bazar Kohhran Hall ah Kohhran Beng leh Baptist Today Agent te puala inkawm khawmna hun buatsaih a ni a. Hetah hian Kohhran Beng leh Baptist Today thawnchhuah leh sem chhuah kawnga hmasawn dan tur te leh chanchinbu hrim hrim in hma a sawn theih dan tur te sawihona hun zalen taka neih a ni. 

Communications Campaign neihna Kohhran hrang hrang ah te hian Kohhran chanchinbu hrang hrang te chungchanga kohhran mi te ngaihdan leh Chanchinbu zirchianna tur zawhna (questionnaire) sem a ni a, heng hmang te hian Chanchinbu hmasawnna tur ruahmanna siam chhoh zel a ni dawn a ni.