Mizoram BMP Rorelna-in Pastor bial hrang hrangah BMP dinchhan campaign neih ni se ti-a a rel bawhzuina kal zelah Lunglei Khawpui chhunga Bial leh Unit hruaitute pualin September 4, 2022 (Pathianni) Chawhnu dar 2:00 khan BCM Hall, Serkawn-ah BMP din chhan Campaign neih a ni.
BMP Dinchhan Campaign Programme hi Pu Lalnunsanga Pachuau, Treasurer, MBMP-in a kaihruai a, Pu C. Lalawmpuia, Asst.Secretary, MBMP-in Kalkhawmte hriat tur thupawimawh puanna a nei a. Rev. H. Lalfakzuala, MBMP Secretary-in BMP Din dan leh BMP din chhan hrang hrang behchhanin thuchah a sawi nghal a, Rbt. Chawngrolura Chawngthu-in Thuchah tawi sawi-in Pu Vanlalpeka Fin. Secy MBMP in Lawmthusawina a nei bawk. He hunah hian Rahsiveng Pastor Bial BMP Zaipawl te, Chanmari Pastor Bial BMP Group zai leh Sailo Lalsangzuli te hnen atangin Fakna hla ngaihtlak a ni bawk.
BMP Dinchhan Campaign-ah hian Lunglei Khawpui chhunga BMP Hruaitu, Bial OB leh executive Committee member te, Unit OB te kalin an vaiin mi 160 vel an kalkhawm a ni.
