Mission Rawngbawlna Chanchin thar

Baptist Masihi Inkhawmpui atan inbuatsaih mek

September 16-19, 2022 khian Baptist Masihi Inkhawmpui chu Mizoram Baptist Kohhran Biak In, Lamthuamthum, Haulawngah neih a ni dawn a. He Inkhawmpui chhim tur hian Mizoram hmun hrang hrang a Baptist masihi member te leh Fellowship te an in  buatsaih mek a. Baptist Masihi Director Rev. Israel Lalremtluanga leh a dawltu, BCM Lamthuamthum te chuan Kohhran member a thei apiangin tawiawma, telpui turin a sawm a ni.

Baptist Masihi Inkhawmpuina tur : BCM Biak In, Lamthuamthum, Haulawng

Baptist Masihi Inkhawmpui thupui atan "Pathian hnaih" (Sam 73;28) hman a ni ang a, Speaker-ah Rev. Israel Lalremtluanga, Baptist Masihi Director niin, Rev. Lalhmunsanga, Bialtu pastor, Haulawng Pastor Bial-in Bible Sutidy a kaihruai ang a, Pathianni chawhnu Lalpa Zanriah chu Rev. C. Vanlalhruaia, Bialtu Pastor Mualthuam N Pastor Bial-in a buatsaih ang. Inkhawm apiangin Zaipawl, Group leh Mimal zai te a awm ang a, a tam thei ang ber zaihona neih thin a ni bawk ang.

Chakma Bible lehlin content checking online workshop neih mek a ni.

Chakma Bible lehlin hna kal zelah August 30 - September 9, 2022 (Ningani) chhung khan Content Check Online Workshop neih a ni. Tun tumah hian 1 Lalte lehlin zawh tawh Read and Revew Committee-in a endik tawh chu Bibles International Consultant te nen Content check workshop neih a ni. Thuthlung thar hi a bua neih a ni tawh a, Thuthlung Hlui hi 12 peih fel a ni tawh bawk. Lehlin zawh tawh Read and Review Committee (RRC) meeting-in a en mek leh Content checking neih mek hi bu li Sam, 1&2 Lalte leh Ezra a awm mek a ni.

Adi Baptist Union Youth Department Leadership Training Pasighat-ah neih a ni.

31st Aug - 2nd Sep chhung khan Arunachal East Field-a Adi Baptist Union Youth Department Leadership Training Pasighat-ah neih a ni a. Circle 8 atangin Thalai hruaitute kal khawmin  Palai inziak lut hi 127 an ni. Zan lamah Inkhawm pangngai neih thin niin Field Director Speaker atan hman a ni a. Tual chhung Kohhran member engamaw zatin inkhawm hi an chhim thin.

 Zing lamah hla thar zir thin niin Pu Zaithanmawia Adi Baptist Union Music Department enkawltu in hla hi kal khawmte a zirtir thin a. Chhun lamah Thupui pawimawh tak tak zirhona neih thin niin Pu.K.Lalzuimawia, Pu.ZD.Laltanpuia leh Rev.John Borang-te resource person atan hman an ni.

 

Aalo-Boleng Bial, ah Paho Pual Seminar neih a ni.

September ni 1 atanga ni 3 chhung khan Arunachal East Field huamchhung tho, Aalo - Boleng Bialah Pa ho pualin Seminar Kaying Kohhranah neih a ni a, palai  67 kalin Pu.C.Pachhunga chu speaker atan hman a ni.