ȚKP Vaivakawn Unit leh Republic Vengthlang Pastor Bial ten Thisen an pe.

September 3 2022 (inrinni) khan ṬKP Vaivakawn Unit, Aizawl te chuan an Unit Dinchamphaphak (Rising Day) Vawi 17-na (4th September) pualin Civil Hospital Aizawl Blood Bank-ah a mamawh apiangte hman atan thisen unit 13 an pe a, mipa 10 leh hmeichhia 3 ten thisen hi an pe a ni. 

Thisen pekna hmunah hian mi 19 kalkhawmin, Rbt. Isaac Laldawngliana, AAṬKPCOC Ex officio leh AVBD Gen. Hqrs. Committee member ni bawkin telpui in, thisen petu te chungah lawmthu a sawi. Tun dinhmunah TKP Vaivakawn unit ah hian Member 100 vel an awm mek a, ṬKP Zotlang Pastor Bial hnuaia awm an ni.

September 3, 2022 (inrinni) vek khan Aizawl Area ȚKP Co-ordination Committee (AAȚKPCoC) in Blood Donation Calendar a buatsaih zulzui in ȚKP Republic Vengthlang Pastor Bial ten Thisen Unit 105 an pe. Thisen pekna hmun hi BCM ITI Kohhran Hall ni in, Civil Hospital Blood Bank a thawk ten a hmun ah kalin thisen hi an la a ni. Thisen petute hi Mipa 83 leh Hmeichhia 22 te an ni a. Thisen pekna hmuna member kal zawng zawng mi 197 an ni.  Aizawl Area ȚKP Co-ordination Committee hruaitute chuan a hmun ah tlawhin Thisen petu bial țanpuina atan Rs 4,000/- an pe a. Kumin a AAȚKP Coordination Committee buatsaih a thisen pek tawh hi Unit 590 a ni tawh a ni.

Republic Vengthlang Pastor Bial ah hian ȚKP Unit Panga (5) – ITI, Republic Vengthlang, Bethlehem Vengthlang, Venghlui leh Salem Veng Unit te an awma Member zawng zawng hi 700 bawr vel an ni.