September 7, 2022 (Nilaini) khan Ṭhalai Kristian Pawl, Electric Veng Unit, Lawngtlai chuan an kum 36 tlinna (Rising Day) pualin Electric Veng Kohhran Hall-ah thisen an pe a. Thisen hi District Blood Bank, Lawngtlaia thawktute'n a hmunah kal in, an laksak a ni. Thisen petute hi mipa 27 leh hmeichhia 6 niin thisen unit 33 an pe a ni.
Thisen peknah hian hun serh tawi
hman a ni a, Unit ṬKP Assistant Secretary Pu Fc. Lalhualhima'n kaihruaiin,
Pathian hnena lawm thu sawi ṭawngṭai hun a hmang a. LAṬKP ai awhin Assistant
Secretary Pu Teddy Lalrinliana Aineh leh AVBD aiawhin Committee Member Tv.
Lalremruata Khawlhring te'n thu an sawi bawk. Thisen pek zawh hian Unit Rising
Day lawmna hun tawi hman chhunzawmin, Unit ṬKP President Rbt. Ng. Lalnunmawia’n
a kaihruai a. Pathian hnena Inkawltirna leh Lawmthusawina lawmthusawina a neih
hnu-ah chawhlui kilho nghal a ni.
ṬKP
Electric Veng Unit, Lawngtlai hi kum 1986 September ni 7 khan din a ni a. Tunah
hian member 316 an awm mek a ni.
.jpeg)
