September 4, 2022 (Thawhtanni) khan Home Ministry, Mizoram leh Mizoram Baptist Kohhran thawhhona-in Mizoram Police Southern Range hnuaia Detoxification & Rehabilitation Camp kharna inkhawm,Recreation Hall 2nd Bn. MAP Headquarters, Luangmual, Lunglei ah neih a ni a, Rev. Vanlalmuankima, Director, Pastoral Ministry leh Rev. H. Lalfakzuala ten an telpui.
He Programme hi Home Ministry ruahmanna-a Police te taksa, rilru leh thlarau siamtharna atana buatsaihna a ni a, ni 45 awh tura ruahman nih angin tluang tak leh hlawk takin an zo thei a ni.
Hun hmasa ber atan Detoxification ni 7 chhung July ni 21-27 khan hman a ni a, Christian Hospital Serkawn a Doctor leh nurse ten buaipuiin en enkawl a. Hun 2-na hi ni 10 chhung July 28 atanga August 6 thleng hman a ni a, hei hi Thlarau lam intuaitharna hun atan hman a ni thung.
He Programme-ah hian Upa RL Thianghlima, Mizoram Evangelical Ministry Team ten Salvation Camping an neih pui a, hun 3-na chu August 7 atanga September 3 thleng (ni 28 chhung) Follow-up programme -ah hman a ni a, he hunah hian Team rawih lai te bakah Horeb Ministy Team Speaker Upa Lalhriatpuia Chawngthu ten rawngbalwna an nei bawk.
Detoxification & Rehabilitation Camp ah hian Police thawklai mi 53 lutin, Progamme tawp thleng hian mi 45 ten hun hmangin hlawk tak leh hlim takin an chhuak a ni.
