Kumin 2022 Assembly thurel ‘Ram pum huap Chawnghei tawngtai neih ni se” tih thu bawhzuiin September ni 4 tlai dar 4:30 khan Mizoram Baptist Kohhran Tualchhung kohhran hrang hrang ah Rampum huap Chawnghei tawngtai neih a ni.
Rampum huap Chawnghei tawngtai hi Kohhran member ten an ngaihlu-in an zawm tha hle a. Headquarters atangin Tawngtai thupui siam lovin Tualchhung Kohhran hrang hrang ten tul leh tha an tih angin Tawngtai thupui an siam chu hman a ni a. Assembly-a thu luh dan te thlir chungin – Ram leh hnam tan, ram hruaitute tan, Kohhran hruaitute tan, Thlarau thianghlim harhna a lo thlen theih nan tih te chu tawngtai thupui langsar niin, heng bakah hian Mimal inhlan tharna leh Lawmthusawi tawngtaina te a awm bawk.