Mizoram ah Covid-19 vei an pung leh tan a. Kohhran zirna in hrang hrang te pawh nghawng chho leh tawh in, Higher and Technical Institute, Mizoram (HATIM) zirlai te zing ah hri vei an tam leh tak deuh avangin nimin (thawhtan) atang khan ni 3 chhung College khar lailawk a ni a, boruak awmdan azirin khar chhunzawm leh chhunzawm loh chungchang naktuk (Nilai ni) hian a hriat ang.
Baptist Higher Secondary School (BHSS) pawh Higher Section kar hmasa Ningani leh Zirtawp khan khar a ni a, High School Section pawh nimin (Thawhtan) atanga naktuk (Nilai) thleng khar tura ruahman a ni. Baptist English School, Serkawn pawh Covid hripui hluar thar leh avang bawkin tunkar chhung (July 11-15) hi khar tura tih a ni bawk.
Hetih
lai hian Baptist English School leh Baptist Higher Secondary School te hi Karleh
mai hi First term exam an hmachhawn hun a ni.
