Tunkar ningani, July ni 7 chawhnu dar 2 khan Pastoral Ministry Department hmalakna in Lunglei khawpui chhunga ‘Ministry’ kalpui thin pawl hrang hranga hruaitu te leh Kohhran hruaitu te inkawmhona, Committee Meeting Room No. 1, Headquarters Office, Serkawn-ah neih a ni.
He inkawmhona ah hian Kohhran hruaitu te- Associate General Secretary, Director, Pastoral Department leh Secretary MTKP te an tel a, Lunglei khawpui chhunga ‘Ministry’ kalpui tu pawl hrang hrang atanga an hruaitu te pawh an kal tha hle.
Inkawmhona ah hian ‘Ministry’ hrang hrang ten rawngbawlna an kalpui
dan te sawiho a ni a, rawngbawlna an kalpui zel dan tur-ah kohhran hote nena
thawh hona awm theih dan kawng leh rawngbawlna programme insubuai lova kalpui
dan tur te sawihona leh titi hona te neih a ni.
