Headquarters Office-a thawktuten Chhipphir Kohhran an tlawh.

Headquarters Office, Serkawna thawktute chu June 12, 2022 (Pathianni) khan lehlangin BCM Chhipphir an tlawh a, BCM Headquarters Office a thawktute mi 36 kalin General Secretary Rev. R. Lalbiakliana’n a ho a ni. 

Headquarters Officce-a thawktute hi BCM Chhipphir Kohhran hruaituten lo dawngsawng in, tukthuan an lo buatsaih sak a. Zing dar 10:00 ah Pathian Biak Inkhawm neih a ni a. Upa MS Dawngliana, Archivist-in Inkhawm a kaihruai a, Secretary, BCM Chhipphir-in Office Staff te lawmna thu sawiin Kohhran te tana hriattur pawimawh a tarlang nghal a, Upa Biakchungnunga, Office Superintendent-in Inhmelhriattirna a neih hnu-ah General Secretary, Rev. R. Lalbiakliana’n Kohhran hote chibaibukna sawiin, Upa K. Lalrohlua, Finance Director-in  Office hminga thilpek Chhipphir Kohhran Chairman hnenah a hlan. Rev. Lalrremsiama Ralte, Director, Mission Dept. in Pathian thuchah sawi in, Office thawktu te hian hla pahnih an rem a ni.

Chawhnu dar 1:30 ah inpawlhona neih a ni a. Headquarters Office hlimthla leh kohhran hmun pawimawh leh office hrang hrang hlimthla video thlirhona neih a ni a, Zawhna leh Chhanna hun hman chhunzawm a ni a, kohhran kaihhnawih thil chi hrang hrang in zawhna leh inhrilhfiahna hun hman a ni. Hemi zawh hian Lunglei lam panin Headquarters thawktu te hi an let leh nghal a, an haw kawng ah, BCM Bualpui V ten Biak in ah thingpui buatsaiha lo dawngsawngin inkawmhona tawi hman a ni.

Headquarters Office thawktu te hetianga Kohhran tlawha a huhova zinchhuah hi Tualchhuang kohhran leh Headquarters inkara inpawhna leh thawhhona tha zawk a awm theihna tura ruahman a ni.