KNP Muallianpui Pastor Bial Inkhawmpui Vawi-6 na hman a ni.

June 10 – 12, (Zirtawp zan atnga Pathianni zan) khan KNP Muallianpui Pastor Bial Inkhawmpui Vawi-6 na  chu BCM Muallianpui ‘N’-ah neih a ni a. Speaker-ah KNP Promoter Nl. K. Lalramthianghlimi hman a ni.

Zirtawp zanah Pathian Biak Inkhawm neiin Inkhawmpui tan a ni a, a tuk inrinni nilengin Bial chhung KNP Unit hrang hrang ten BCM Thurin Puanchhuah sawi, zaipawl, solo mipa leh hmeichhia leh recitation-ah te intihsiakna hun an hmang a.  Inrinni zan, Pathianni zing leh Pathiani zanah te Pathian Biak Inkhawm neih a ni leh a ni. Naupang leh KNP hruaitute Unit hrang hrang atanga kal hi mi 250 vel niin, riak lut a kal naupang -70 zet an awm bawk. Inkhawmpui hlimawm leh hlawk takin an hmang a ni.

Muallianpui Pastor Bialah hian KNP Unit panga – South Lungleng, Muallianpui ‘N’, Muallianpui ‘S’, Lungpuitlang leh New Kawngpui te an awm a, BCM Inchhiarna hnuhnung berah Bial pumpuiah KNP member 296 an awm a ni.