TKP Mission Vengthlang Pastor Bial Kum Chanve Intawh Khawmna neih a ni.

Kum Chanve Intawh Khawm hi June 11-12, Inrinni leh Pathianni khan BCM Biak In, New Secretariat ah neih a ni a, Speaker atan MṬKP President Upa R. Lalrochama hman a ni a, ani bakah hian MṬKP lam aṭangin Tv H. Lalruatkima, Finance Secretary, Pu Lalrammuana Sailo, Executive Committee Member leh Pu PC Lalbiakdika, Executive Committee Member te an tel bawk.

Intawhkhawm thupui hi 'Krista leh Kohhran Tan" tih niin, inkhawm vawi thum awm in thupui then hrang hrang "Krista leh Kohhran Tan – Tlemte Chunga Rinawm", "Krista leh Kohhran Tan –Chhungkaw Duhawm Din", "Krista leh Kohhran Tan – Thih Thlenga Rinawm" tih hmang te in Speaker hnen atangin Pathian thuchah ngaihthlak a ni. Pathian Biak Inkhawm bakah hian Pathianni chawhnu ah inpawlhona (fellowship) neih a ni a, hetah hian Bialtu Pastor Rev. V. Laltlanzuala'n Pathianthu Zirtirna (Bible Study) thupui "Pathian Ṭih Chungchang" tih hmangin a nei.   

Kum chanve intawhkhawmna hun ah hian Inkhawm leh Fellowship ah te Bial Zaipawl, Bial chhung Unit hrang hrang atangin Zaipawl, Solo, Faklam, Group Zai leh Male Voice te awm in, Kum Chanve Intawhkhawm hlung tak leh nuam tak hman a ni.