R&D in Vairengte-ah Peace Building Workshop leh Skill Development Worshop an buatsaih

June 15, 2022 (nilaini) khan Relief & Development Department hnuaia Initiative For Peace and Economic Development Project chuan Kolasib District a an Target Village pakhat Vairengte veng pathuma  kohhran hruaitu leh thalai te tan Peace Building Workshop leh Skill Development Worshop, Vairengte Town Church ah  an buatsaih.

Workshop hi Reuben Vanlalhruaizela, Field Facilitator-in kaihruaiin, Vairengte bialtu pastor Rev C. Lalhmangaihzama'n hunserh a hmang a. Nl. Betsy Lalhruaizeli, Project Coordinator in Project kalphung leh hmalakna tur leh Kohhran te tanrual a tulna sawiin, Rev. L. Vanlalsanga Director R&D in 'Remna leh muanna Kristian rinna behchhanin a sawifiah a. Pu Lalrinawma, Coordinator R & D chuan skill development workshop hun hmangin, Ringtute chu hmasawn a, intodelh tur kan nih thu te, hmasawnna nei tura taimak a tulna leh Pathianin thiamna leh finna (talent) min pek te peipung tur kan nih thu te a sawi a ni.