Phawngpui West Pastor Bial-ah Kohhran Hruaitute pual Seminar neih a ni.

June 11, 2022 (Inrinni) khan BCM Biak In, Lungtian-ah Phawngpui West Pastor Bial huapin   “5th BCM Planning Commission & Constitution” zirhona (Seminar) an nei.

He Seminar-ah hian Resource person atan Pu Lalruatkima, Administrative Officer, BCM Headquarters Office chu hman a ni. Pu Lalruatkima bakah hian Headquarters atangin Rev. Dr. F. Lalsangliana, Editor, Kohhran Beng & Baptist Today,  Er. Victor Lalrinawma Sailo, Director, Property Department leh Pu Lalawmpuia (Driver) te kalin, Kohhran hrang hrangah hun an hmang bawk.

 

Seminar ah hian Bial chhunga Kohhran hruaitute leh Fellowship Department hrang hrang hruaitute, kalin, mi 40 vel an tel thei a ni. Planning Commission panga-na leh Constitution thar-in Assembly, ABC, Bial leh Tualchhung Kohhran inrelbawl dan a tih danglam te leh kalphung a tih danglam te inkawhhmuhin zirchianna te neih a ni a. Zawhna leh Chhanna hun te hman a ni bawk.

 

Inrinni zan atanga Pathianni zan thlengin Headquarters lama hruaitute hian Phawngpui West Pastor Bial chhunga Tualchhung kohhran hrang hrang - Lungtian, Rawlbuk, Vartek leh Tuipui (V) ah te thu sawi in hun an hmang a. Property Director hian Lungtian Biak In Plan & Estimate te siamsak in Pastor Quarters repair an dilna te a enpui nghal bawk.